കോട്ടയം: നമ്മുടെ വിപണിയിൽ എത്തുന്ന പഴങ്ങളിൽ ഏറ്റവും കൂടുതൽ കീടനാശിനി പ്രയോഗം നടക്കുന്നത് മുന്തിരിയിലാണ് എന്നാണ് പറയപ്പെടുന്നത്.
മനോഹരമായ നിറത്തിലും മധുരത്തിലും കാണപ്പെടുന്ന മുന്തിരി ആരോഗ്യത്തിന് ഗുണകരമാണെങ്കിലും അവ ശരിയായ രീതിയിൽ വൃത്തിയാക്കാതെ കഴിക്കുന്നത് മാരകമായ ആരോഗ്യപ്രശ്നങ്ങൾക്ക് കാരണമാകും. വെറും പച്ചവെള്ളത്തിൽ മുന്തിരി കഴുകുന്നത് വഴി അതിനു മുകളിലുള്ള രാസവസ്തുക്കളെ പൂർണ്ണമായും നീക്കം ചെയ്യാൻ സാധിക്കില്ല.
എന്തുകൊണ്ട് മുന്തിരി പ്രത്യേകമായി കഴുകണം?
Whatsapp Group 1 | Whatsapp Group 2 |Telegram Group
മുന്തിരി കൃഷിയിൽ കീടങ്ങളിൽ നിന്ന് സംരക്ഷിക്കാനായി വീര്യം കൂടിയ കീടനാശിനികൾ വലിയ അളവില് തളിക്കാറുണ്ട്. ഇവ മുന്തിരിയുടെ തൊലിപ്പുറത്ത് പറ്റിപ്പിടിച്ചിരിക്കും. കൂടാതെ മുന്തിരിക്ക് തിളക്കം തോന്നിക്കാനും കേടുകൂടാതെ ഇരിക്കാനും മെഴുക് (Wax) പോലെയുള്ള പദാർഥങ്ങളും ഉപയോഗിക്കാറുണ്ട്. ഇവ വയറുവേദന, അലർജി, ദഹനപ്രശ്നങ്ങൾ എന്നിവ മുതൽ ദീര്ഘകാലാടിസ്ഥാനത്തിൽ കാൽസർ പോലുള്ള മാരക രോഗങ്ങൾക്ക് വരെ കാരണമായേക്കാം.
മുന്തിരി വൃത്തിയാക്കാനുള്ള 3 വഴികൾ
ഉപ്പുവെള്ളം
ഏറ്റവും ലളിതമായ മാർഗമാണിത്. ഒരു വലിയ പാത്രത്തില് വെള്ളമെടുത്ത് അതിൽ ഒരു ടീസ്പൂൺ കല്ലുപ്പ് ചേർക്കുക. മുന്തിരിപ്പഴങ്ങൾ ഈ ഉപ്പുവെള്ളത്തിൽ 15 മുതല് 20 മിനിറ്റ് വരെ മുക്കിവയ്ക്കുക. ഉപ്പുവെള്ളം ബാക്ടീരിയകളെ നശിപ്പിക്കാനും കീടനാശിനികളുടെ തീവ്രത കുറയ്ക്കാനും സഹായിക്കും. അതിനുശേഷം ശുദ്ധജലത്തിൽ ഒന്നുകൂടി കഴുകി ഉപയോഗിക്കാം.
ബേക്കിങ് സോഡ
ഒരു ലിറ്റർ വെള്ളത്തിൽ ഒരു ടീസ്പൂൺ ബേക്കിങ് സോഡ കലർത്തുക. ഇതിലേക്ക് മുന്തിരി ഇട്ട് 10-15 മിനിറ്റ് വയ്ക്കുക. ബേക്കിങ് സോഡയ്ക്ക് രാസവസ്തുക്കളെ അലിയിച്ചു കളയാനുള്ള പ്രത്യേക കഴിവുണ്ട്. ശേഷം കൈകൊണ്ട് മൃദുവായി ഉരസി കഴുകി മാറ്റുക.
വിനാഗിരി
വിനാഗിരി കലർത്തിയ വെള്ളം മുന്തിരിയിലെ അണുക്കളെയും മെഴുക് പാളികളെയും നീക്കം ചെയ്യാൻ മികച്ചതാണ്. മൂന്ന് ഭാഗം വെള്ളത്തിന് ഒരു ഭാഗം വിനാഗിരി എന്ന തോതിൽ കലർത്തി അതില് മുന്തിരി മുക്കിവയ്ക്കുക. 10 മിനിറ്റിനു ശേഷം നന്നായി കഴുകിയെടുക്കാം.
