കല്പ്പറ്റ: വയനാട്ടില് കോണ്ഗ്രസ് നിര്മ്മിച്ച് നല്കുന്ന വീടുകളുടെ തറക്കല്ലിടല് നാളെ നടക്കും. ചടങ്ങില് പങ്കെടുക്കാന് കോണ്ഗ്രസ് എംപിമാരായ രാഹുല് ഗാന്ധിയും പ്രിയങ്ക ഗാന്ധിയും നാളെ എത്തും.
നാളെ രാവിലെ കണ്ണൂര് വിമാനത്താവളത്തില് എത്തുന്ന രാഹുല് കണ്ണൂര് ജില്ലയിലെ പേരാവൂരില് നടക്കുന്ന കര്ഷക യോഗത്തില് പങ്കെടുത്ത ശേഷം കല്പ്പറ്റയിലേക്ക് പോകും.
വയനാട്ടില് നിന്നുള്ള കോണ്ഗ്രസ് എംപിയായ പ്രിയങ്ക രാവിലെ കലക്ടറേറ്റില് നടക്കുന്ന ദിശ യോഗത്തില് പങ്കെടുക്കും. തുടര്ന്ന് ഉച്ചയ്ക്ക് 1:30 ന് കല്പ്പറ്റ എംപി ഓഫീസില് വനംവകുപ്പിന്റെ റാപ്പിഡ് റെസ്പോണ്സ് ടീമിനായുള്ള (ആര്ആര്ടി) നൂതന ഉപകരണങ്ങള് കൈമാറും.
Whatsapp Group 1 | Whatsapp Group 2 |Telegram Group
വെള്ളിയാഴ്ച രാവിലെ കാളികാവ് സര്വീസ് സഹകരണ ബാങ്കിന്റെ ലബോറട്ടറി ഉദ്ഘാടനവും ഉച്ചകഴിഞ്ഞ് കൈതപ്പൊയില് (തിരുവമ്പാടി) എംഇഎസ് സ്കൂളിന്റെ രജത ജൂബിലി ആഘോഷങ്ങളുടെ ഉദ്ഘാടനവും പുതിയ ബ്ലോക്കിന്റെ തറക്കല്ലിടും. ചിപ്പിലിത്തോടിലെ നിര്ദ്ദിഷ്ട ചുരം ബൈപാസ് റോഡ് സ്ഥലവും പ്രിയങ്ക ഗാന്ധി സന്ദര്ശിക്കും.
തുടര്ന്ന് ബൈരക്കുപ്പ പാലം പദ്ധതി സ്ഥലം സന്ദര്ശിക്കുകയും ക്നാനായ കത്തോലിക്കാ പള്ളിയുടെ സുവര്ണ്ണ ജൂബിലി ആഘോഷങ്ങളില് പങ്കെടുക്കുകയും കടുവ ആക്രമണത്തില് കൊല്ലപ്പെട്ട പുല്പ്പള്ളിയിലെ കൂമന്റെ വസതി സന്ദര്ശിക്കുകയും ചെയ്യും. ചൂരല്മല-മുണ്ടക്കൈ ദുരന്തബാധിതര്ക്കായി മുസ്ലീം ലീഗ് നിര്മ്മിച്ച വീടുകളുടെ താക്കോല് ദാന ചടങ്ങിലും പ്രിയങ്ക പങ്കെടുക്കും.
