തിരുവനന്തപുരം: സംസ്ഥാനത്ത് നിയമസഭാ തെരഞ്ഞെടുപ്പിന് കളമൊരുക്കം തുടങ്ങി.
സംസ്ഥാനത്തെ നിയമസഭാ മണ്ഡലങ്ങളിലേക്കുള്ള തിരഞ്ഞെടുപ്പ് പ്രഖ്യാപനം മാര്ച്ച് 12 ന് ശേഷമാകുമെന്ന് പുറത്തുവരുന്ന സൂചനകള്. മാര്ച്ച് അഞ്ചിന് മുഖ്യ തിരഞ്ഞെടുപ്പ് കമ്മിഷണറും ആറിനും 11നും ഇടയ്ക്ക് പ്രധാനമന്ത്രിയും കേരളത്തിലെത്തുന്നുണ്ട്. ഇതിന് ശേഷമാകും പ്രഖ്യാപനം ഉണ്ടാവുകയെന്നാണ് റിപ്പോര്ട്ടുകള്.
ഏപ്രില് ആറിനും 12നും ഇടയ്ക്ക് വോട്ടെടുപ്പ് നടന്നേക്കുമെന്നും അല്ലെങ്കില് വിഷുവിന് ശേഷമാകും വോട്ടെടുപ്പെന്നുമാണ് വിലയിരുത്തല്.
Whatsapp Group 1 | Whatsapp Group 2 |Telegram Group
തിരഞ്ഞെടുപ്പ് ഒരുക്കങ്ങളിലാണ് മുന്നണികളെല്ലാം. നിയമസഭാ തിരഞ്ഞെടുപ്പില് തുടര്ച്ചയായി രണ്ട് തവണ വിജയിച്ച മുഴുവന് സിറ്റിങ് എംഎല്എമാരെയും മൂന്നാം തവണയും മല്സരിപ്പിക്കാന് സിപിഎം സംസ്ഥാന നേതൃത്വത്തില് ധാരണയായിട്ടുണ്ട്. തുടര്ച്ചയായി രണ്ട് തവണ വിജയിച്ച എംഎല്എമാരെ സംഘടനാ രംഗത്തേക്ക് തിരികെ കൊണ്ടു വന്ന് ഉറച്ച സീറ്റുകളില് പുതുമുഖങ്ങള്ക്ക് അവസരം നല്കണമെങ്കില് ജില്ലാ സെക്രട്ടറിയേറ്റുകള്ക്ക് അക്കാര്യവും തീരുമാനിക്കാം.
മുഖ്യമന്ത്രി ഉള്പ്പടെ പിബിയില് നിന്ന ആരൊക്കെ മല്സരിക്കണമെന്നതില് ഈ ആഴ്ച നടക്കുന്ന പൊളിറ്റ് ബ്യൂറോ യോഗത്തില് ധാരണയാകും.
