കോഴിക്കോട്: കോഴിക്കോട് കോര്പ്പറേഷന് പരിധിയില് 16 കെട്ടിടങ്ങള് അണ്ഫിറ്റെന്ന് റിപ്പോർട്ട്.
വലിയങ്ങാടി, പാളയം, കാരപ്പറമ്പ്, മെഡിക്കല് കോളേജ് തുടങ്ങിയ തിരക്കേറിയ സ്ഥലങ്ങളിലുള്ള കെട്ടിടങ്ങളാണ് അണ്ഫിറ്റ്. കോര്പ്പറേഷന് എഞ്ചിനീയറിംഗ് വിഭാഗമാണ് ഇതു സംബന്ധിച്ച റിപ്പോര്ട്ട് നല്കിയത്.
2024 ലാണ് വലിയങ്ങാടിയിലെ കെട്ടിടത്തിലെ ഒഴിവുള്ള കടകള് പുനര്ലേലം ചെയ്യാനാനുള്ള നീക്കം റവന്യു വിഭാഗം നടത്തിയത്. എന്നാല് ഇതുള്പ്പെടെ 16 കെട്ടിടങ്ങള് അണ് ഫിറ്റാണെന്നായിരുന്നു എഞ്ചിനീയറിംഗ് വിഭാഗത്തിന്റെ റിപ്പോർട്ട്.
Whatsapp Group 1 | Whatsapp Group 2 |Telegram Group
എന്നാല് റിപ്പോര്ട്ടിന് കോര്പ്പറേഷന് ധനകാര്യ സ്റ്റാന്ഡിങ് കമ്മിറ്റിയും കൗണ്സില് യോഗവും അംഗീകാരം നല്കിയില്ല. കച്ചവടക്കാരെ ഒരുമിച്ച് ഒഴിപ്പിച്ചു പുതിയ കെട്ടിടങ്ങള് നിർമ്മിക്കുന്നത് പ്രായോഗിക തടസ്സമുണ്ടാകുമെന്ന വാദവുമാണ് കോർപ്പറേഷൻ നടത്തിയത്.
കാലപ്പഴക്കം ചെന്ന കെട്ടിടങ്ങളിലെ ഒരു കടകള്ക്കും ലൈസന്സ് പുതുക്കി നല്കിയിട്ടില്ലെന്ന് കോര്പ്പറേഷന് പറയുന്നു. അതേസമയം, അണ്ഫിറ്റ് എന്ന് കണ്ടെത്തിയ കെട്ടിടങ്ങളില് കോർപ്പറേഷൻ എൻജിനീയറിങ് വിഭാഗം പരിശോധന നടത്തും.
