കോട്ടയം: കോട്ടയത്ത് ഇന്ത്യന് ആര്മിയുടെ പേരില് സൈബര് തട്ടിപ്പിന് ശ്രമം. കോട്ടയത്തെ ആര്മി ക്യാമ്പിലേയ്ക്ക് വലിയ അളവില് തേയില ആവശ്യമുണ്ടെന്നും അതിനായി ടെണ്ടര് അയക്കണമെന്നും ചൂണ്ടിക്കാട്ടിയായിരുന്നു തട്ടിപ്പുകാരുടെ സന്ദേശം.
കരാറിനായി ലിങ്കില് കയറി പണം അടക്കണമെന്ന് ആവശ്യപ്പെട്ടപ്പോള്, കോട്ടയം നഗരമധ്യത്തില് പ്രവര്ത്തിക്കുന്ന റെയിന്ബോ ട്രേഡിങ് കമ്പനി ഉടമയായ മുഹമ്മദ് അമീന് സംശയം തോന്നുകയായിരുന്നു. ഇതിന് പിന്നാലെ അമീന് കോട്ടയം സൈബര് പൊലീസില് പരാതി നല്കുകയായിരുന്നു.
സന്ദേശത്തിന് പിന്നാലെ കൃനാല് ചൗധരിയെന്ന സൈനികന്റെ പേരില് ഫോണ് കോളെത്തുകയും ചെയ്തു. പിന്നീട് പാങ്ങോട് സൈനികകേന്ദ്രത്തിലെ ജിഎസ്ടി നമ്പര് നല്കി വിശ്വാസം പിടിച്ചുപറ്റാനും സംഘം ശ്രമം നടത്തിയതായി പരാതിക്കാരന് പറഞ്ഞു. ഇറക്കുമതി ചെയ്യേണ്ട തേയിലയുടെ അളവിനെ കുറിച്ചും ഗുണമേന്മയെ കുറിച്ചും വാട്സ്ആപ്പിലൂടെ സംസാരിക്കുകയും ചെയ്തു.
Whatsapp Group 1 | Whatsapp Group 2 |Telegram Group
കരാറിനായി അയച്ചുതന്ന ലിങ്ക് വഴി പണമടക്കണമെന്ന് നിര്ബന്ധിച്ചതോടെ സംശയം തോന്നി നടത്തിയ പരിശോധനയിലാണ് തട്ടിപ്പാണെന്ന് ബോധ്യമായത്. തുടർന്ന് അമീൻ കോട്ടയം സൈബർ പൊലീസില് പരാതി നല്കുകയും ചെയ്തു. ഗുജറാത്ത് കേന്ദ്രമാക്കിയ തട്ടിപ്പുസംഘമാണ് സംഭവത്തിന് പിന്നിലെന്നും പ്രതികളെ പിടികൂടുന്നതിനായി അന്വേഷണം ഊര്ജിതമാക്കിയതായും സൈബര് പൊലീസ് അറിയിച്ചു.
