ആലപ്പുഴ: ആലപ്പുഴ പുന്നപ്രയില് പതിനാലുകാരിയെ പിതാവും ബന്ധുക്കളും പീഡിപ്പിച്ച കേസില് നാലാം പ്രതിക്കായി അന്വേഷണം ഊർജിതം.
അതിജീവിതയുടെ പിതാവിന്റെ ബന്ധുവാണ് നാലാം പ്രതി. പിതാവ്, പിതാവിന്റെ സഹോദരി ഭർത്താവ്, സഹോദരിയുടെ മകൻ എന്നിവരാണ് നിലവില് അറസ്റ്റിലായത്. പിതാവിനൊപ്പം മദ്യപിച്ച് പെണ്കുട്ടിയെ പീഡിപ്പിച്ച ബന്ധുവാണ് പിടിയിലാകാനുള്ളത്. ഇയാള് ഒളിവിലാണ്.
അറസ്റ്റിലായ പ്രതികളെ കസ്റ്റഡിയില് വാങ്ങി പൊലീസ് കൂടുതല് ചോദ്യം ചെയ്യും. 2022 മുതലാണ് പതിനാലുകാരി പിതാവില് നിന്നും മറ്റു ബന്ധുക്കളില് നിന്നും നിരന്തര പീഡനത്തിന് ഇരയായത്.
Whatsapp Group 1 | Whatsapp Group 2 |Telegram Group
കഴിഞ്ഞ ദിവസം പെണ്കുട്ടി സുഹൃത്തിനോട് വിവരങ്ങള് തുറന്നു പറഞ്ഞപ്പോഴാണ് സംഭവം പുറത്തുവന്നത്. പെണ്കുട്ടിയെ സുരക്ഷിതമായി കുടുംബശ്രീയുടെ കീഴിലുള്ള സ്നേഹിത സെന്ററിലേക്ക് മാറ്റിയിരുന്നു. പിതാവിന്റെ രണ്ടാം ഭാര്യയിലെ കുട്ടിയാണ് ഇരയായ പെണ്കുട്ടി.
