തിരുവനന്തപുരം: സംസ്ഥാനത്തെ ഏറ്റവും പ്രായംകുറഞ്ഞ അവയവദാതാവായ ആലിന് ഷെറിന് എബ്രഹാമിന് സംസ്ഥാന സര്ക്കാരിന്റെ ആദരവ്. ആലിൻ ഷെറിൻ്റെ സംസ്കാരം നാളെ സര്ക്കാര് ബഹുമതികളോടെ നടക്കും. ഇതുമായി ബന്ധപ്പെട്ട നിർദേശം മുഖ്യമന്ത്രി പിണറായി വിജയൻ ചീഫ് സെക്രട്ടറിക്ക് നല്കി. ഇത് സംബന്ധിച്ച ഉത്തരവ് ഉടന് പുറത്തിറക്കും.
കോട്ടയത്തുണ്ടായ വാഹനാപകടത്തില് മസ്തിഷ്ക മരണം സംഭവിച്ച ആലിന്റെ അവയവങ്ങള് ദാനം ചെയ്യാൻ മാതാപിതാക്കള് എടുത്ത തീരുമാനം കേരളത്തിന് വലിയൊരു മാതൃകയാണെന്ന് മുഖ്യമന്ത്രി പിണറായി വിജയൻ പറഞ്ഞു. ഫേസ്ബുക്കിലൂടെ ആയിരുന്നു മുഖ്യമന്ത്രിയുടെ പ്രതികരണം. കരള്, രണ്ട് വൃക്കകള്, ഹൃദയവാല്വ്, രണ്ട് നേത്രപടലങ്ങള് എന്നിവയാണ് ആലിൻ ദാനം ചെയ്തത്.
രാത്രിയായതിനാല് ഹെലികോപ്റ്റർ യാത്രയ്ക്ക് അനുമതി ലഭിക്കാത്ത സാഹചര്യത്തില് റോഡ് മാർഗമാണ് അവയവങ്ങള് കൊച്ചിയില് നിന്നും തിരുവനന്തപുരത്തെത്തിച്ചത്. പൊലീസ് സേനയുടെ കൃത്യമായ ഇടപെടലിലൂടെ ഗതാഗതം സുഗമമാക്കിയാണ് അതിവേഗം അവയവങ്ങള് ആശുപത്രികളില് എത്തിച്ചത്. ബന്ധുക്കളുടെ താല്പര്യം പരിഗണിച്ച് കോട്ടയം മെഡിക്കല് കോളേജില് രാത്രി തന്നെ പോസ്റ്റ്മോർട്ടം നടപടികള് പൂർത്തിയാക്കാൻ പ്രത്യേക സജ്ജീകരണങ്ങള് ഒരുക്കിയിരുന്നുവെന്ന് മുഖ്യമന്ത്രി പറഞ്ഞു.
Whatsapp Group 1 | Whatsapp Group 2 |Telegram Group
ആലിന്റെ കുടുംബത്തിന്റെയും നാടിന്റെയും ദുഃഖത്തില് പങ്കുചേരുന്നതായും, ഔദ്യോഗിക ബഹുമതികളോടെ കുഞ്ഞിനെ നാട് യാത്രയാക്കുമെന്നും മുഖ്യമന്ത്രി കൂട്ടിച്ചേർത്തു
