തിരുവനന്തപുരം : സംസ്ഥാന സര്ക്കാരിനെതിരെ രൂക്ഷവിമര്ശനവുമായി ചലച്ചിത്ര അക്കാദമി മുന് ചെയര്മാനും നടനുമായ പ്രേംകുമാര്.
ചലച്ചിത്ര ചെയര്മാന് സ്ഥാനത്ത് നിന്ന് നീക്കുമ്പോള് കാണിക്കേണ്ട സാമാന്യ മര്യാദ പോലും തന്നോട് കാണിച്ചില്ല എന്ന് പ്രേംകുമാർ പറഞ്ഞു.
മാന്യതയോടെ പറഞ്ഞുവിടണമായിരുന്നെന്നും പ്രേംകുമാര് തിരുവനന്തപുരത്ത് മാധ്യമങ്ങളോട് പറഞ്ഞു. ആശാ വര്ക്കര്മാരുടെ സമരം പരിഹരിച്ചില്ലെങ്കില് അത് സര്ക്കാരിന് ദോഷം ചെയ്യുമെന്ന് സദുദ്ദേശപരമായി പറഞ്ഞതിന്റെ അടിസ്ഥാനത്തിലാണ് തന്നെ പുറത്താക്കിയതെന്നാണ് കരുതുന്നതെന്നും പ്രേംകുമാര് പറഞ്ഞു.
Whatsapp Group 1 | Whatsapp Group 2 |Telegram Group
ഒരറിയിപ്പുമില്ലാതെയാണ് തന്നെ പുറത്താക്കിയത്.ഒരു സ്ഥാനത്ത് കുറച്ചുകാലമായി പ്രവര്ത്തിക്കുമ്പോള് അവിടെ നമുക്ക് ഒപ്പം നിന്ന് പ്രവര്ത്തിച്ച സഹപ്രവര്ത്തകരുണ്ട്. അവരോട് ഒരു നന്ദി പറയാനുള്ള അവസരം പോലും ലഭിച്ചില്ലെന്നതാണ് വിഷമമെന്നും അദ്ദേഹം പ്രതികരിച്ചു.
താന് പോയതിന് പിന്നാലെ നടന്ന സാംസ്കാരിക സംഗമത്തിലേക്ക് തന്നെ ക്ഷണിക്കാന് പോലും സര്ക്കാര് തയാറായില്ലെന്നും അദ്ദേഹം പറഞ്ഞു.
