തിരുവനന്തപുരം: കേരളത്തില് നിന്നും ജർമ്മനിയിലേയ്ക്കുളള നഴ്സിങ് റിക്രൂട്ട്മെന്റിനായുളള നോർക്ക ട്രിപ്പിള് വിൻ കേരള പദ്ധതിയുടെ എട്ടാം ഘട്ടത്തിലെ 250 ഒഴിവുകളിലേയ്ക്ക് അപേക്ഷ ക്ഷണിച്ചു.
ഉദ്യോഗാർത്ഥികള്ക്ക് നോർക്ക റൂട്ട്സ്, എൻ.ഐ.എഫ്.എല് എന്നീ വെബ്സൈറ്റുകള് സന്ദർശിച്ച് 2026 ഫെബ്രുവരി 23 നകം അപേക്ഷ നല്കാവുന്നതാണ്.
ട്രിപ്പിള് വിൻ കേരള
Whatsapp Group 1 | Whatsapp Group 2 |Telegram Group
നോർക്ക റൂട്ട്സും ജർമ്മൻ ഫെഡറല് എംപ്ലോയ്മെൻറ് ഏജൻസിയും ജർമ്മൻ ഏജൻസി ഫോർ ഇൻറർനാഷണല് കോ-ഓപ്പറേഷനും സംയുക്തമായി നടപ്പാക്കുന്ന നഴ്സിങ് റിക്രൂട്ട്മെന്റ് പദ്ധതിയാണ് ട്രിപ്പിള് വിൻ കേരള. തിരഞ്ഞെടുക്കപ്പെടുന്നവർക്ക് വിമാന ടിക്കറ്റ് ഉള്പ്പടെയുളള എല്ലാ ചെലവുകളും സൗജന്യമാണ്. കേരളീയരായ ഉദ്യോഗാർത്ഥികള്ക്ക് മാത്രമാകും ട്രിപ്പിള് വിൻ പദ്ധതിയിലേക്ക് അപേക്ഷിക്കാനാവുക.
പ്രായപരിധി
ഉയർന്ന പ്രായപരിധി 2026 മെയ് 31ന് 36 വയസ്സ് അധികരിക്കരുത്.
യോഗ്യത
ബി.എസ്.സി/ജനറല് നഴ്സിങാണ് അടിസ്ഥാന യോഗ്യത. ബി.എസ്.സി/ പോസ്റ്റ് ബേസിക് ബി.എസ്.സി യോഗ്യതയുളളവർക്ക് ഒരു വർഷത്തേയും, ജനറല് നഴ്സിങ് പാസ്സായവർക്ക് മൂന്നു വർഷത്തെയും പ്രവൃത്തി പരിചയം നിർബന്ധമാണ്.
അപേക്ഷകർ കഴിഞ്ഞ ഒരു വർഷത്തിനുള്ളില് ക്ലിനിക്കല് മേഖലയില് ജോലി ചെയ്തിരിക്കണം. അപേക്ഷിക്കുന്ന സമയത്ത് പരമാവധി കരിയർ ഗ്യാപ്പ് ഒരു വർഷത്തിലധികം ആകരുത്.
ജീരിയാട്രിക്സ് സ്പെഷ്യാലിറ്റിയിലും വിദേശ രാജ്യങ്ങളില് ക്ലിനിക്കല് പ്രവൃത്തി പരിചയമുള്ളവർക്കും, 200-ല് അധികം ബെഡ്ഡുകളുള്ള ആശുപത്രികളിലോ മെഡിക്കല് കോളേജുകളിലോ പ്രവൃത്തി പരിചയമുള്ള ഉദ്യോഗാർത്ഥികള്ക്ക് മുൻഗണന നല്കും.
വയോജന പരിചരണത്തില് ജീരിയാട്രിക്സ് അല്ലെങ്കില് ദീർഘകാല പരിചരണം, ആശുപത്രിക്ക് പുറത്തുളള ഹോം കെയർ/നഴ്സിംഗ് ഹോം, പ്രത്യേകിച്ച് ഇൻ-പേഷ്യന്റ് പരിചയമോ ഷിഫ്റ്റ് അടിസ്ഥാനത്തിലുള്ള പ്രവൃത്തി പരിചയമോ ഉണ്ടായിരിക്കണം.
ഐ.സി.യു (ICU), ഇൻറർമീഡിയറ്റ് കെയർ യൂണിറ്റ് (IMC), ജനറല് വാർഡ്, സർജിക്കല്–മെഡിക്കല് വാർഡുകള്, ന്യൂറോളജി, ഓങ്കോളജി, ഓർത്തോപീഡിക്സ് എന്നിവയിലെ പ്രവൃത്തി പരിചയവും പരിഗണിക്കും; എന്നാല് എമർജൻസി വിഭാഗം, എൻ.ഐ.സി.യു (NICU), പീഡിയാട്രിക്സ്, പി.ഐ.സി.യു (PICU), സ്കൂള് നഴ്സിംഗ്, വാക്സിനേഷൻ നഴ്സിംഗ്, കമ്മ്യൂണിറ്റി ഹെല്ത്ത് എന്നിവയില് മാത്രം പരിമിതമായ പ്രവൃത്തി പരിചയം പരിഗണിക്കപ്പെടുകയില്ല.
ജർമൻ ഭാഷ പരിശീലനം
പദ്ധതിയിലേയ്ക്ക് അപേക്ഷിക്കുന്നതിന് ഉദ്യോഗാർത്ഥികള്ക്ക് ജർമ്മൻ ഭാഷ പരിജ്ഞാനം നിർബന്ധമില്ല. പ്രാഥമിക തല അഭിമുഖത്തില് തിരഞ്ഞെടുക്കപ്പെടുന്ന ഉദ്യോഗാർത്ഥികള് ജർമൻ ഭാഷയില് ബി 1 ലെവല് പരിശീലനം നേടേണ്ടതാണ്. A2 ലെവലില് 70% നേടുന്ന ഉദ്യോഗാർത്ഥികളെ പ്രോഗ്രാമില് ഉള്പ്പെടുത്തുന്നതും കോഴ്സ് ഫീ തിരികെ നല്കുന്നതുമാണ്. 70% മാർക്കോടെ B1 ലെവല് പൂർത്തിയാകുന്ന മുറയ്ക്ക് കോഴ്സ് ഫീയുടെ ബാക്കി തുക തിരികെ നല്കുന്നതുമാണ്.
അപേക്ഷിക്കേണ്ട വിധം
ഉദ്യോഗാർത്ഥികള്ക്ക് നോർക്ക റൂട്ട്സ്, എൻ.ഐ.എഫ്.എല് എന്നീ വെബ്സൈറ്റുകള് സന്ദർശിച്ച് അപേക്ഷ നല്കണം. കൂടുതല് വിവരങ്ങള്ക്ക് 0471-2770577, 2770536, 2770540, 2770548 എന്നീ നമ്പറുകളിലോ 24 മണിക്കൂറും പ്രവർത്തിക്കുന്ന നോർക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സർവ്വീസ്) ബന്ധപ്പെടാവുന്നതാണ്.
