ടോക്യോ: മാരകമായ നിപ വൈറസിനെതിരെ വാക്സിന് പരീക്ഷണത്തിനൊരുങ്ങി ജപ്പാന്.
ടോക്യോ സർവകലാശാലയില് നിന്നുള്ള ഗവേഷകരാണ് വാക്സിൻ വികസിപ്പിച്ചത്.
വരുന്ന ഏപ്രില് മാസത്തോടെ ക്ലിനിക്കല് ട്രയല് തുടങ്ങുമെന്ന് ജപ്പാനിലെ നിക്കെയ് ഏഷ്യാ മാഗസിന് റിപ്പോര്ട്ട് ചെയ്തു.
ബെല്ജിയത്തില് ആണ് മനുഷ്യരിലുള്ള ക്ലിനിക്കല് ട്രയലിന് തുടക്കമിടുക. നിലവില് നിപ വൈറസിനെ പ്രതിരോധിക്കാൻ ലൈസൻസുള്ള വാക്സിനോ പ്രത്യേക ചികിത്സയോ ലഭ്യമല്ല. നിപാ വൈറസിന്റെ ജനിതക ഘടകങ്ങളുടെ ഒരുഭാഗം മീസില്സ് വൈറസിലേക്ക് ചേർത്താണ് പുതിയ വാക്സിൻ വികസിപ്പിക്കുന്നതെന്നാണ് വിവരം.
Whatsapp Group 1 | Whatsapp Group 2 |Telegram Group
മനുഷ്യരില് വാക്സിൻ പ്രവേശിക്കുമ്പോള് നിപാ വൈറസിന് സമാനമായ ആന്റിജെൻ പ്രോട്ടീൻ ഉത്പാദിപ്പിക്കപ്പെടും. ഇത് യഥാർഥ വൈറസിനെ തിരിച്ചറിയാൻ പ്രതിരോധ സംവിധാനത്തെ പരിശീലിപ്പിക്കുകയും രോഗതീവ്രത കുറയ്ക്കാനും രോഗത്തെ പ്രതിരോധിക്കാനും സഹായിക്കുകയും ചെയ്യുമെന്ന് ഗവേഷകർ പറയുന്നു.
നേരത്തേ എലികളില് നടത്തിയ പരീക്ഷണത്തില് വാക്സിന്റെ ഫലപ്രാപ്തിയും സുരക്ഷയും തെളിയിച്ചതാണെന്ന് വാക്സിൻ വികസിപ്പിച്ച ഗവേഷകർ പഞ്ഞു. മനുഷ്യരിലെ പരീക്ഷണത്തിന്റെ ഭാഗമായി ഒന്നാംഘട്ടത്തില് 60പേരെയാണ് ഉള്പ്പെടുത്തുക. രണ്ടാംഘട്ട ക്ലിനിക്കല് ട്രയലിലുള്ള ഈ വാക്സിന് പരീക്ഷണത്തിന്റെ ഭാഗമാകുന്നത് പതിനെട്ട് വയസിനും 55 വയസിനും ഇടയിലുള്ള 300 പേരാണ്.
