തിരുവനന്തപുരം: ന്യൂസിലൻഡിനെതിരായ അഞ്ചാം ട്വന്റി-20യിൽ 46 റൺസിന്റെ തകർപ്പൻ ജയവുമായി ഇന്ത്യ പരമ്പര സ്വന്തമാക്കി.
ഇതോടെ അഞ്ച് മത്സരങ്ങളടങ്ങിയ പരമ്പര 4-1 എന്ന നിലയിൽ ഇന്ത്യ സ്വന്തമാക്കി. ഇഷാൻ കിഷന്റെ തകർപ്പൻ സെഞ്ച്വറിയും അർഷ്ദീപ് സിംഗിന്റെ അഞ്ച് വിക്കറ്റുമാണ് ഇന്ത്യയ്ക്ക് തിളക്കമാർന്ന വിജയം സമ്മാനിച്ചത്.
ഇന്ത്യക്ക് വേണ്ടി അര്ഷ്ദീപ് സിംഗ് അഞ്ച് വിക്കറ്റെടുത്തു. നേരത്തെ, ടോസ് നേടി ബാറ്റിംഗ് തെരഞ്ഞെടുത്ത ഇന്ത്യക്ക് ഇഷാന് കിഷന്റെ (43 പന്തില് 103) സെഞ്ചുറിയാണ് തുണയായത്. സഞ്ജുവിനെ മറികടന്ന് ടീമില് സ്ഥാനമുറപ്പിക്കുന്ന പ്രകടനം കൂടിയായിരുന്നു ഇത്.
സൂര്യകുമാര് യാദവ് 30 പന്തില് 63 റണ്സെടുത്തു. സഞ്ജു സാംസണ് (6) സ്വന്തം കാണികളുടെ മുന്നില് നിരാശപ്പെടുത്തിയ മത്സരത്തിലാണ് കിഷന് ഷോ. ന്യൂസിലന്ഡിന് വേണ്ടി ലോക്കി ഫെര്ഗൂസണ് രണ്ട് വിക്കറ്റെടുത്തു. ജയത്തോടെ ഇന്ത്യ 4-1ന് പരമ്പര സ്വന്തമാക്കി.
Whatsapp Group 1 | Whatsapp Group 2 |Telegram Group
നേരത്തെ, ടോസ് നേടി ബാറ്റിംഗിനെത്തിയ ഇന്ത്യക്ക് സഞ്ജുവിന്റെ (6) വിക്കറ്റ് തുടക്കത്തില് തന്നെ നഷ്ടമായി. ഹോം ഗ്രൗണ്ടില് സഞ്ജുവിന്റെ ആദ്യ അന്താരാഷ്ട്ര മത്സരമായിരുന്നു ഇത്.
മൂന്നാം ഓവറിലാണ് സഞ്ജു മടങ്ങുന്നത്. ലോക്കി ഫെര്ഗൂസണിന്റെ പന്തില് തേര്ഡ് മാനില് ബെവോണ് ജേക്കബ്സിന് ക്യാച്ച് നല്കി. സ്കോര് ബോര്ഡില് 31 റണ്സാണ് അപ്പോള് ഉണ്ടായിരുന്നത്.
പിന്നാലെ അഭിഷേക് ശര്മയും (14 പന്തില് 30) പവലിയനില് തിരിച്ചെത്തി. ഫെര്ഗൂസണിന്റെ തന്നെ പന്തില് ബൗള്ഡാവുകയായിരുന്നു അഭിഷേക്. പിന്നാലെ കിഷന് – സൂര്യ സഖ്യം 57 പന്തില് 137 റണ്സ് കൂട്ടിചേര്ത്തു.
