തിരുവനന്തപുരം: വെള്ളറടയിലും പരിസരങ്ങളിലും വ്യാപക മോഷണം . കഴിഞ്ഞദിവസം രാത്രി കാരമൂട് ജംഗ്ഷനില് പ്രവര്ത്തിക്കുന്ന ലതയുടെ ഉടമസ്ഥതയിലുള്ള പലചരക്ക് കട കുത്തിത്തുറന്നാണ് കവര്ച്ച നടന്നത്.
നേരത്തെ പ്രദേശത്ത് മറ്റ് ചില സ്ഥാപനങ്ങളും വീടുകളിലും മോഷണം നടന്നിരുന്നു. പലചരക്ക് കടയില് ഒരു ലക്ഷം രൂപയോളം നാശനഷ്ടമാണ് വിലയിരുത്തിയത്. കടയില് സൂക്ഷിച്ചിരുന്ന വെളിച്ചെണ്ണ പാക്കറ്റുകള് മുഴുവനും കവര്ന്നു. കൂടാതെ ബീഡി, സിഗരറ്റ് തുടങ്ങിയ നിരവധി സാധനങ്ങള് കവര്ന്നിട്ടുണ്ട്.
കൂടാതെ കടയില് സൂക്ഷിച്ച 35000 രൂപയും കാണാനില്ല. നേരത്തെയും ഇതേ സ്ഥാപനത്തില് മോഷണം നടന്നെങ്കിലും പ്രതിയെ പിടികൂടാനായിട്ടില്ല. ഒരു മാസത്തിനുള്ളില് ചെറുതും വലുതുമായ 20 ലേറെ കവര്ച്ചകളാണ് പ്രദേശത്ത് നടന്നിരിക്കുന്നത്. കൂടുതലും പൂട്ടിക്കിടക്കുന്ന വീട് ലക്ഷ്യം വെച്ചാണ് കവര്ച്ച.
Whatsapp Group 1 | Whatsapp Group 2 |Telegram Group
കവര്ച്ച നടക്കുമ്ബോഴെല്ലാം പൊലീസ് പ്രദേശത്തെ സിസിടിവി നിരീക്ഷിച്ച് വരുന്നെങ്കിലും മോഷ്ടാവിനെ പിടികൂടാനായിട്ടില്ല. ലതയുടെ കടയിലെ മോഷണത്തിന് പിന്നാലെ പൊലീസ് എത്തി ദൃശ്യങ്ങള് പരിശോധിച്ച് അന്വേഷണം തുടങ്ങി.
