തിരുവനന്തപുരം: തൊണ്ടിമുതല് തിരിമറിക്കേസില് ആൻ്റണി രാജു നല്കിയ അപ്പീല് ഇന്ന് പരിഗണിക്കും.
തിരുവനന്തപുരം പ്രിൻസിപ്പല് സെഷൻസ് കോടതിയാണ് അപ്പീല് പരിഗണിക്കുക.
തൊണ്ടിമുതല് കേസില് ലഭിച്ച മൂന്ന് വർഷത്തെ തടവുശിക്ഷ റദ്ദാക്കണം എന്നാവശ്യപ്പെട്ടാണ് അപ്പീല്.
കേസില് രണ്ട് വർഷത്തിന് മുകളില് ശിക്ഷ വിധിച്ചതിനാല് ആന്റണി രാജുവിന് എംഎല്എ പദവി നഷ്ടമായിരുന്നു.
കുറ്റപത്രം നല്കി 19 വർഷങ്ങള്ക്ക് ശേഷമാണ് എല്ഡിഎഫ് നേതാവ് പ്രതിയായ കേസില് വിധി വരുന്നത്.
Whatsapp Group 1 | Whatsapp Group 2 |Telegram Group
അടിവസ്ത്രത്തില് ലഹരി വസ്തു ഒളിപ്പിച്ച് കേരളത്തിലെത്തിയപ്പോള് പിടിക്കപ്പെട്ട ഓസ്ട്രേലിയൻ പൗരൻ സാല്വദോർ സാർലിയെ രക്ഷപ്പെടുത്താൻ ശ്രമിച്ചതിനാണ് ആൻ്റണി രാജുവിനെയും കോടതി ക്ലർക്ക് ജോസിനെയും കോടതി ശിക്ഷിച്ചത്. 1990 ഏപ്രില് 4നായിരുന്നു സാല്വദോർ സാർലി പിടിയിലായത്. നീതിന്യായ വ്യവസ്ഥയിലെ അത്യപൂർവ്വ കേസിന്റെ വിധിയാണ് 19 വർഷങ്ങള്ക്ക് ശേഷം നെടുമങ്ങാട് ഒന്നാം മജിസ്ട്രേറ്റ് കോടതിയില് നിന്നും ഉണ്ടായത്.
