ദമ്പതികൾ തമ്മിൽ വഴക്ക്; ഭാര്യയ്ക്ക് നേരെ ഭർത്താവെറിഞ്ഞ കല്ല് തലയിൽവീണ് നാല് വയസുകാരനായ മകന് ദാരുണാന്ത്യം

അമരാവതി: ദമ്പതികൾ തമ്മിലുള്ള വഴക്കിനിടെ പരിക്കേറ്റ് നാല് വയസുകാരനായ മകന് ദാരുണാന്ത്യം. ആന്ധ്രാപ്രദേശിലെ ലക്ഷ്യം പള്ളി ഗ്രാമത്തിൽ കഴിഞ്ഞദിവസമാണ് സംഭവം.

Link

Embed

Copy and paste this HTML code into your webpage to embed.

ദമ്പതികൾ തമ്മിലുള്ള തർക്കം കൈയാങ്കളിയിൽ കലാശിച്ചതോടെ രമേശ് ഭാര്യക്ക് നേരെ വലിയൊരു കല്ലെടുത്ത് എറിയുകയായിരുന്നു. എന്നാലിത് അവിടെനിന്ന മകന്റെ തലയിലാണ് വീണത്.

എം. രമേശ്, ഭാര്യ മഹേശ്വരി എന്നിവർ തമ്മിലുള്ള വഴക്കിനിടെയാണ് മകനായ നാല് വയസുകാരൻ കൊല്ലപ്പെട്ടത്. തലയ്ക്ക് ഗുരുതരമായി പരിക്കേറ്റ കുട്ടിയെ ഉടൻ തന്നെ ആശുപത്രിയിൽ എത്തിച്ചെങ്കിലും ചികിത്സയ്ക്കിടെ മരണത്തിന് കീഴടങ്ങുകയായിരുന്നു.

സംഭവത്തിൽ ഭാരതീയ ന്യായ് സംഹിത സെക്ഷൻ 105 പ്രകാരം മനപ്പൂർവമല്ലാത്ത നരഹത്യയ്ക്ക് പൊലീസ് കേസ് രജിസ്റ്റർ ചെയ്തു.