കോട്ടയം: കെമിക്കല് നിറച്ച വിലകൂടിയ സിറങ്ങളോടും വിദേശ സ്കിൻകെയർ ബ്രാൻഡുകളോടുമുള്ള പ്രിയം പതിയെ കുറഞ്ഞുവരികയാണ്. പകരം, പ്രകൃതിദത്തമായ ‘ക്ലീൻ ബ്യൂട്ടി’ ട്രെൻഡിലേക്കാണ് പുതിയ തലമുറ ചുവടുവെക്കുന്നത്.
ഈ ട്രെൻഡില് ഇപ്പോള് മുൻപന്തിയിലുള്ളത് നമ്മുടെ മുത്തശ്ശിമാരുടെ പഴയകാല സൗന്ദര്യക്കൂട്ടായ രക്തചന്ദനമാണ്.
രക്തചന്ദനം ഒരു മരം മാത്രമല്ല, ഒരു മജിക് ഡസ്റ്റ് ആണെന്ന് തന്നെ പറയാം. ഇൻസ്റ്റാഗ്രാം ഫില്ട്ടറുകള് ഇല്ലാതെ തന്നെ തിളങ്ങുന്ന ചർമ്മം ആഗ്രഹിക്കുന്ന ജെൻ സികള്ക്ക് രക്തചന്ദനം എങ്ങനെയൊക്കെ ഉപകാരപ്പെടുമെന്ന് നോക്കാം.
Whatsapp Group 1 | Whatsapp Group 2 |Telegram Group
മുഖക്കുരുവിനോട് പറയാം ഗുഡ്ബൈ
ഇന്നത്തെ പൊടിയും പുകയും നിറഞ്ഞ അന്തരീക്ഷത്തില് ജെൻ സികള് നേരിടുന്ന ഏറ്റവും വലിയ വെല്ലുവിളിയാണ് മുഖക്കുരുവും അത് കഴിഞ്ഞ് വരുന്ന കറുത്ത പാടുകളും. രക്തചന്ദനത്തിലെ ആന്റി-ബാക്ടീരിയല് ഗുണങ്ങള് ചർമ്മത്തിലെ ബാക്ടീരിയകളെ നീക്കം ചെയ്യുകയും വീക്കം കുറയ്ക്കുകയും ചെയ്യുന്നു. ഇത് പതിവായി ഉപയോഗിക്കുന്നത് മുഖക്കുരു തടയാൻ മാത്രമല്ല, പാടുകള് പതുക്കെ മാഞ്ഞുപോകാനും സഹായിക്കുന്നു.
വീക്കെൻഡ് ട്രിപ്പുകളും ഔട്ട്ഡോർ ഫോട്ടോഷൂട്ടുകളും കഴിഞ്ഞു വരുമ്പോള് സ്കിൻ ആകെ കരിവാളിച്ചിട്ടുണ്ടോ? എങ്കില് ഉടനെ തന്നെ അല്പം രക്തചന്ദനം ഉപയോഗിച്ചു നോക്കൂ. വെയില് കൊണ്ടുള്ള കരുവാളിപ്പ് മാറ്റാൻ ഇതിനേക്കാള് മികച്ച മറ്റൊരു നാച്ചുറല് റെമഡി ഇല്ലെന്ന് തന്നെ പറയാം. ഇത് ചർമ്മത്തിന് നല്ലൊരു കുളിർമ്മ നല്കുകയും ചർമ്മത്തിന്റെ സ്വാഭാവിക നിറം നിലനിർത്തുകയും ചെയ്യുന്നു.
ഓയിലി സ്കിൻ പ്രശ്നമാണോ?
ചർമ്മത്തിലെ അമിതമായ എണ്ണമയം കാരണം മേക്കപ്പ് അധികനേരം നില്ക്കാത്തതും മുഖം എപ്പോഴും എണ്ണമയമുള്ളതായി ഇരിക്കുന്നതും പലരെയും അലോസരപ്പെടുത്താറുണ്ട്. രക്തചന്ദനം ഉപയോഗിക്കുന്നതിലൂടെ ചർമ്മത്തിലെ സെബം ഉല്പ്പാദനം നിയന്ത്രിക്കാൻ സാധിക്കും. ഇത് ചർമ്മത്തെ ഡ്രൈ ആക്കാതെ തന്നെ ഫ്രഷ് ആയി നിലനിർത്താൻ സഹായിക്കുന്നു.
എങ്ങനെ ഉപയോഗിക്കണം?
രക്തചന്ദനം ഉപയോഗിക്കുമ്പോള് നിങ്ങളുടെ സ്കിൻ ടൈപ്പിന് അനുയോജ്യമായ രീതിയില് ഉപയോഗിക്കാൻ ശ്രദ്ധിക്കണം. ചർമ്മം വല്ലാതെ ഡ്രൈ ആണെങ്കില് രക്തചന്ദനം പാലിന്റെയോ വെളിച്ചെണ്ണയുടെയോ കൂടെ മിക്സ് ചെയ്ത് ഉപയോഗിക്കുന്നതാണ് നല്ലത്. എണ്ണമയമുള്ള ചർമ്മമാണെങ്കില് അല്പം നാരങ്ങാനീരോ റോസ് വാട്ടറോ ചേർക്കാം. പ്രായമാകലിന്റെ ലക്ഷണങ്ങള് തടയാനും ചർമ്മത്തിന് നല്ലൊരു ഇലാസ്തികത നല്കാനും ഇതിലെ ആന്റി-ഓക്സിഡന്റുകള് സഹായിക്കുന്നു.
വാങ്ങുമ്പോള് ശ്രദ്ധിക്കാൻ
പലപ്പോഴും വിപണിയില് ചായം ചേർത്ത വ്യാജ രക്തചന്ദനപ്പൊടികള് ലഭ്യമാണ്. ഇവ ഉപയോഗിക്കുന്നത് ചർമ്മത്തിന് ഗുണത്തേക്കാളേറെ ദോഷം ചെയ്യും. അതിനാല് വിശ്വസനീയമായ ആയുർവേദ ഷോപ്പുകളില് നിന്നോ ബ്രാൻഡുകളില് നിന്നോ മാത്രം ശുദ്ധമായ രക്തചന്ദനം വാങ്ങാൻ ശ്രദ്ധിക്കുക.
