കോട്ടയം: പഴംപൊരി വറുത്തെടുക്കാൻ നോക്കിയാല് ഒന്നുകില് ഒട്ടിപിടിക്കും അല്ലെങ്കില് കരിഞ്ഞു പിടിക്കും.
എന്നാല് ഇനി ഈ ടെൻഷൻ വേണ്ട, തയ്യാറാക്കുന്ന രീതിയില് കുറച്ചു മാറ്റം വരുത്തിയാല് പുറമേ ക്രിസ്പിയും അകമേ നല്ല സോഫ്റ്റുമായ പഴംപൊരി വറുത്തെടുക്കാം.
ചേരുവകള്
Whatsapp Group 1 | Whatsapp Group 2 |Telegram Group
മൈദ- 2 കപ്പ്
അരിപ്പൊടി- 4 ടേബിള്സ്പൂണ്
പഞ്ചസാര- 4 ടേബിള്സ്പൂണ്
യീസ്റ്റ്- 1 ടീസ്പൂണ്
വെള്ളം- ആവശ്യത്തിന്
നേന്ത്രപ്പഴം- 6
മഞ്ഞള്പ്പൊടി- 1/2 ടീസ്പൂണ്
ഉപ്പ്- ആവശ്യത്തിന്
സണ്ഫ്ലവർ ഓയില്- ആവശ്യത്തിന്
തയ്യാറാക്കുന്ന വിധം
ഒരു ബൗളിലേയ്ക്ക് മൈദ, അരിപ്പൊടി, പഞ്ചസാര, യീസ്റ്റ് എന്നിവയെടുത്ത് മുക്കാല് കപ്പ് വെള്ളം കൂടി ഒഴിച്ചിളക്കി മാറ്റി വെയ്ക്കാം. നന്നായി പഴുത്ത 6 നേന്ത്രപ്പഴം നടുവെ കീറിയെടുക്കാം. മാറ്റി വെച്ചിരിക്കുന്ന മാവിലേയ്ക്ക് അല്പ്പം ഉപ്പ് കൂടി ചേർത്തിളക്കാം. ഒരു പാൻ അടുപ്പില് വെച്ച് വറുക്കാൻ ആവശ്യമായ സണ്ഫ്ലവർ ഓയില് ചേർത്ത് ചൂടാക്കാം. മുറിച്ചു വെച്ചിരിക്കുന്ന പഴ കഷ്ണങ്ങള് മാറ്റി വെച്ചിരിക്കുന്ന മാവില് മുക്കി എണ്ണയില് വറുത്തെടുക്കാം. ഇത് ചൂടോടെ കഴിക്കാം.
