സോഷ്യല് മീഡിയ ഇളക്കിമറിച്ചു തരംഗമായ പാട്ടായിരുന്നു ‘കിഴക്ക് സൂര്യനുദിച്ചല്ലോ… വാനിൽ പറവ പറന്നല്ലോ…’ എന്ന ഗാനം. മലയാളികള് ഒന്നടങ്കം ഏറ്റെടുത്ത ഈ തരംഗം ഇപ്പോള് കടല് കടന്ന് ജപ്പാനിലും എത്തിയിരിക്കുകയാണ്. ഒരു കൂട്ടം ജാപ്പനീസ് യുവാക്കള് ഈ മലയാളം പാട്ടിന് മനോഹരമായി ചുവടുവെക്കുന്ന വീഡിയോയാണിപ്പോൾ ഇന്റര്നെറ്റില് വൈറലായി മാറിയിരിക്കുന്നത്.
:കാക്കെ ടാകു’ എന്ന ഇന്സ്റ്റഗ്രാം പേജിലൂടെയാണ് ഈ വീഡിയോ പങ്കുവെച്ചിരിക്കുന്നത്. പാട്ടിന്റെ താളത്തിനൊത്തുള്ള ഇവരുടെ പ്രകടനം ഇതിനോടകം തന്നെ 30 ലക്ഷത്തിലധികം ആളുകളാണ് കണ്ടുകഴിഞ്ഞത്. ജപ്പാനില് നിന്നുള്ള ഈ പെര്ഫോമന്സിന് താഴെ കമന്റുകളുമായി എത്തിയവരിലധികവും മലയാളികളാണ്.
വര്ഷങ്ങള്ക്ക് മുന്പ് ഇറങ്ങിയ ‘സഞ്ചാരി’ എന്ന ക്രിസ്തീയ ആല്ബത്തിലെ വരികളാണിവ. അന്ന് ഈ ഗാനം ആലപിച്ചത് പ്രശസ്ത ഗായികയും നിലവില് അരൂര് എംഎല്എയുമായ ദലീമ ജോജോയായിരുന്നു. മലയാളി റാപ്പര് ഫെജോയുടെ ‘വഴികാട്ടി’ എന്ന പുതിയ റാപ്പ് സോംഗിലൂടെയാണ് ഈ വരികള് വീണ്ടും വൈറലായത്. ജാപ്പനീസ് യുവാക്കളുടെ ഡാന്സ് വീഡിയോ കണ്ട ഫെജോയും കമന്റുമായി എത്തിയിരുന്നു. ‘നമ്മുടെ പാട്ടുകള് ജപ്പാനിലേക്കും എക്സ്പോര്ട്ട് ചെയ്ത് തുടങ്ങിയിരിക്കുന്നു’ എന്നായിരുന്നു മെഡിക്കൽ സ്റ്റോറിൽ പോണം ഫെജോയുടെ തമാശരൂപേണയുള്ള പ്രതികരണം.
Whatsapp Group 1 | Whatsapp Group 2 |Telegram Group