തിരുവനന്തപുരം : തൊണ്ടിമുതല് കേസിൽ മുന് മന്ത്രിയും എംഎല്എയുമായിരുന്ന ആന്റണി രാജുവിന് മൂന്ന് വര്ഷം തടവ് ശിക്ഷ വിധിച്ച് കോടതി.
തൊണ്ടിമുതല് തിരിമറി കേസില് ആന്റണി രാജു കുറ്റക്കാരനാണെന്ന് നെടുമങ്ങാട് ജുഡീഷ്യല് ഫസ്റ്റ്ക്ലാസ് മജിസ്ട്രേറ്റ് കോടതിയാണ് വിധിച്ചത്. കേസിലെ ഒന്നാം പ്രതിയും കോടതി ക്ലര്ക്കുമായിരുന്ന ജോസും കുറ്റക്കാരനാണെന്ന് കോടതി വിധിച്ചു.
ലഹരിക്കേസില് പിടിയിലായ വിദേശിയെ രക്ഷിക്കാനായി തൊണ്ടിമുതലില് തിരിമറി നടത്തിയെന്ന കേസില് മൂന്ന് പതിറ്റാണ്ട് നീണ്ട വാദ പ്രതിവാദങ്ങള്ക്കൊടുവിലാണ് കോടതി വിധി പറഞ്ഞത്. ഇതോടെ ആന്റണി രാജുവിന്റെ നിയമസഭാ അംഗത്വം റദ്ദാക്കി.
Whatsapp Group 1 | Whatsapp Group 2 |Telegram Group
ലഹരി മരുന്ന് കേസില് പിടിയിലായ ഓസ്ട്രേലിയന് പൗരനെ രക്ഷപ്പെടുത്താന് തൊണ്ടിമുതലില് കൃത്രിമം കാട്ടിയെന്നാണ് ആന്റണി രാജുവിനെതിരായ കുറ്റം. 1990ല് തിരുവനന്തപുരം വിമാനത്താവളത്തിലാണ് വിദേശ പൗരന് ആന്ഡ്രൂ സാല്വദോര് അടിവസ്ത്രത്തില് ലഹരിമരുന്നുമായി പിടിയിലായത്. ഈ വ്യക്തി മയക്കുമരുന്ന് കടത്താന് ഉപയോഗിച്ച അടിവസ്ത്രം ചെറുതാക്കി തയ്ച്ച് പ്രതിക്ക് പാകമാകാത്തവിധം ആന്റണി രാജു തിരികെയേല്പ്പിച്ചുവെന്നാണ് കേസ്.
