തിരുവനന്തപുരം: ഉണ്ണികൃഷ്ണൻ പോറ്റിയുമായുള്ള കൂടിക്കാഴ്ചയില് സോണിയാഗാന്ധിയുടെ മൊഴി നിർണായകമാണെന്നും ശബരിമല സ്വർണക്കൊള്ള കേസിൽ സോണിയാ ഗാന്ധിയേയും എസ്ഐടി അന്വേഷണ പരിധിയില് കൊണ്ടുവരണമെന്നും മന്ത്രി വി ശിവൻകുട്ടി പറഞ്ഞു.
സോണിയ ഗാന്ധിയുടെ വസതിയില് എങ്ങനെയാണ് ഉണ്ണികൃഷ്ണൻ പോറ്റിയ്ക്ക് പ്രവേശനം ലഭിച്ചതെന്ന ചോദ്യം മന്ത്രി ഉന്നയിച്ചു. സോണിയ ഗാന്ധിക്കും അടൂർ പ്രകാശിനും ഉണ്ണിക്കൃഷ്ണൻ പോറ്റിയുമായുള്ള ബന്ധം ഞെട്ടിക്കുന്നതാണെന്നും അതിനാൽ പദവി നോക്കാതെ സോണിയ ഗാന്ധിയെ അന്വേഷണ പരിധിയില് കൊണ്ട് വരണമെന്നും മന്ത്രി ആവശ്യപ്പെട്ടു.
