തിരുവനന്തപുരം: പ്രതിപക്ഷ നേതാവ് വി.ഡി. സതീശനെ പിന്തുണച്ച് മുതിർന്ന നേതാവ് പി ജെ കുര്യൻ. താൻ ഉള്പ്പടെ മുതിർന്ന നേതാക്കള് ഇത്തവണ നിയമസഭാ തെരഞ്ഞെടുപ്പില് നിന്ന് മാറി നില്ക്കണമെന്ന് അദ്ദേഹം പറഞ്ഞു.
മുഖ്യമന്ത്രി മോഹമുള്ള ഒരു ഡസൻ ആളുകള് കോണ്ഗ്രസിലുണ്ടെന്നും അദ്ദേഹം വ്യക്തമാക്കി. കോണ്ഗ്രസ് ഇത്തവണ എംപിമാരെ മത്സരിപ്പിക്കാൻ സാധ്യത കുറവായിരിക്കും. 50 സീറ്റുകളില് നേരത്തെ സ്ഥാനാർത്ഥികളെ നിശ്ചയിക്കാൻ നീക്കമുണ്ടെന്നും അദ്ദേഹം വ്യക്തമാക്കി.
ലൈംഗിക പീഡനക്കേസുകളില് ആരോപണവിധേയനായ രാഹുല് മാങ്കൂട്ടത്തിലിന് ഇനി സീറ്റ് നല്കരുതെന്നും അദ്ദേഹം പറഞ്ഞു. യുവാക്കള്ക്ക് അവസരം നല്കണം. എന്നാല് തെരഞ്ഞെടുപ്പില് ഭാഷയും സൗന്ദര്യവും മാനദണ്ഡമാക്കരുതെന്നും അദ്ദേഹം കൂട്ടിച്ചേര്ത്തു.
കോണ്ഗ്രസില് പെരുന്തച്ചൻ കോംപ്ലക്സ് ആർക്കും പാടില്ലെന്നും നിയമസഭാ തെരഞ്ഞെടുപ്പില് ജയിക്കാൻ പറ്റുന്ന യുവാക്കള്ക്കും സ്ത്രീകള്ക്കും പരമാവധി സീറ്റ് നല്കുമെന്നും പ്രതിപക്ഷ നേതാവ് വിഡി സതീശൻ കഴിഞ്ഞ ദിവസം പറഞ്ഞിരുന്നു. മുഖ്യമന്ത്രി സ്ഥാനം ആഗ്രഹിക്കുന്നുണ്ടോയെന്ന ചോദ്യത്തിന് രാഷ്ട്രീയത്തില് ത്യാഗികള് ഇല്ലെന്നും എന്നാല് തനിക്ക് ത്യാഗിയാകാനും പറ്റുമെന്നും വിഡി സതീശൻ പറഞ്ഞു. തെരഞ്ഞെടുപ്പില് നിന്ന് ഒരു വിഭാഗം മുതിർന്ന നേതാക്കള് റിട്ടയർ ചെയ്യേണ്ടി വരും.
Whatsapp Group 1 | Whatsapp Group 2 |Telegram Group
10 വർഷം കഴിയുമ്ബോള് താനും റിട്ടയർമെന്റിനെക്കുറിച്ച് ആലോചിക്കും. മുഖ്യമന്ത്രി സ്ഥാനാർത്ഥിയെ മുൻനിർത്തിയല്ല യുഡിഎഫ് തെരഞ്ഞെടുപ്പിനെ നേരിടുന്നതെന്നും വിഡി സതീശൻ പറഞ്ഞു.
യുവാക്കള്ക്ക് പ്രധാന്യം നല്കികൊണ്ടായിരിക്കും നിയമസഭാ തെരഞ്ഞെടുപ്പിനെ നേരിടുക. തെരഞ്ഞെടുപ്പിലൊരു യുവത്വവും തിളക്കവും ഉണ്ടാകും. എന്നാല്, മുതിര്ന്ന നേതാക്കളെ പാടെ മാറ്റണമെന്നല്ല പറയുന്നതെന്നും അവര്ക്കും അര്ഹമായ പരിഗണന നല്കുമെന്നും ജയിക്കാൻ പറ്റുന്ന യുവാക്കള്ക്കും സ്ത്രീകള്ക്കും പരമാവധി സീറ്റ് നല്കുകയെന്നതാണ് തീരുമാനമെന്നും വിഡി സതശൻ പറഞ്ഞു. അങ്ങനെ വരുമ്ബോള് ഒരു വിഭാഗം മുതിര്ന്ന നേതാക്കള് റിട്ടയര് ചെയ്യേണ്ടിവരും.
കോണ്ഗ്രസില് പെരുന്തച്ചൻ കോംപ്ലക്സ് ആര്ക്കും ഉണ്ടാകരുതെന്നും വിജയം ഒരാളുടേതല്ലെന്നും തോറ്റാല് ഉത്തരവാദിത്തം ഏറ്റെടുക്കാൻ തയ്യാറാണെന്നും വിഡി സതീശൻ പറഞ്ഞു. യുഡിഎഫ് ചെയർമാൻ, പ്രതിപക്ഷ നേതാവ് എന്നീ നിലകളിൽ ഉത്തരാവാദിത്തം തനിക്ക് കൂടുതലാണ്. മൂന്നാഴ്ചയ്ക്കുള്ളില് മുന്നണിക്കുള്ളില് സീറ്റ് വിഭജനം പൂർത്തിയാക്കും.
നിലവില് 80 മുതല് 85 സീറ്റില് വരെ യുഡിഎഫിനാണ് മേല്ക്കൈയുള്ളത്. നിയമസഭയില് 100ലധികം സീറ്റ് നേടി അധികാരത്തിലെത്തും. ഫ്രീബീസ് അല്ല യുഡിഎഫിന്റെ ഫോക്കസ് എന്നും എല്ഡിഎഫ് തകർത്ത കേരളത്തെ കരകയറ്റാൻ ബദല് അവതരിപ്പിക്കുമെന്നും ചെയ്യാൻ പറ്റുന്ന കാര്യങ്ങള് പറഞ്ഞ് വോട്ട് ചോദിക്കുമെന്നും വിഡി സതീശൻ പറഞ്ഞു.
