തിരുവനന്തപുരം: ഓഫീസ് മുറി വിവാദത്തില് ആർ. ശ്രീലേഖയെ വിമർശിച്ച് സിപിഐ സംസ്ഥാന സെക്രട്ടറി ബിനോയ് വിശ്വം. ഇപ്പോഴും പോലീസ് ഭാഷയില് സംസാരിക്കുന്ന ധിക്കാരിയായ കൗണ്സിലറാണ് ആർ.
ശ്രീലേഖയെന്നും ബിജെപിക്ക് ചെയ്യാൻ എന്തെല്ലാം വേറെയുണ്ടെന്നും ബിനോയ് വിശ്വം ചോദിച്ചു.
ബിജെപിയുടെ ഏറ്റവും നാണംകെട്ട നീക്കമാണിത്. ആർ. ശ്രീലേഖയുടെ നിലപാടിനെ അഭ്യർഥന, അപേക്ഷ എന്ന രീതിയില് കാണാൻ കഴിയില്ല. ബിജെപിക്ക് അനുകൂലമായ നിലപാടാണ് കെ.എസ്. ശബരീനാഥിന്റേതെന്നും ബിനോയ് വിശ്വം വിമർശിച്ചു.
മറ്റത്തൂർ വിഷയം കോണ്ഗ്രസിനെ ബാധിച്ച മാറാവ്യാധിയാണ്. കോണ്ഗ്രസ് വർക്കിംഗ് കമ്മിറ്റിയില് ബിജെപിക്കു വേണ്ടി സംസാരിക്കുന്ന മൂന്നു പേരുണ്ട്. ഒരാള് തിരുവനന്തപുരം എംപി ശശി തരൂരാണ്.
Whatsapp Group 1 | Whatsapp Group 2 |Telegram Group
മറ്റത്തൂർ കോണ്ഗ്രസ് ചെറിയ വിഷയം ആയി കാണരുതെന്നും മഹാത്മാഗാന്ധിയുടെ പാർട്ടി ഗോഡ്സെ പാർട്ടിക്ക് അടിമപ്പെടുന്നതു ദുഃഖകരമാണെന്നും ബിനോയ് വിശ്വം കൂട്ടിച്ചേർത്തു.
