മരങ്ങാട്ടുപിള്ളി: സത്യപ്രതിജ്ഞക്കു പിന്നാലെ ലഭിച്ച ആദ്യ നിവേദനം മാലിന്യ അടിയന്തിരമായി മാറ്റണം എന്നായിരുന്നു. സംഭവം മരങ്ങാട്ടുപിള്ളിയിലാണ്.
മരങ്ങാട്ടുപിള്ളി ഗ്രാമപഞ്ചായത്ത് പ്രസിഡന്റ് സ്ഥാനത്തേയ്ക്ക് നറുക്കെടുപ്പിലൂടെ തെരഞ്ഞെടുക്കപ്പെട്ട ഗ്രേസിക്കുട്ടി എബ്രഹാമിന്റെ സത്യപ്രതിജ്ഞക്കു ശേഷം ലഭിച്ച ആദ്യ നിവേദനമാണ് മാലിന്യ നീക്കുന്നത് സംബന്ധിച്ചുള്ളത്.
പഞ്ചായത്ത് ഓഫീസിനു മുന്ഭാഗത്തു ടൗണില് തന്നെ `മാലിന്യ മുക്തം നവകേരളം’ പരിപാടിയുടെ ഭാഗമായി സ്ഥാപിച്ചിട്ടുള്ള ജെെവ-പ്ളാസ്റ്റിക്ക് മാലിന്യ ശേഖരണ ബിന്നുകള് നിറഞ്ഞു കവിഞ്ഞിട്ട് മാസങ്ങള് പിന്നിട്ടു.
Whatsapp Group 1 | Whatsapp Group 2 |Telegram Group
തുടര്ന്നുള്ള മാലിന്യങ്ങള് ബിന്നിനു ചുറ്റും കുമിഞ്ഞു കൂടിയിട്ടും ആവ നീക്കം ചെയ്യാത്തതിനാല് പൊതുജനങ്ങളും സമീപത്തെ വ്യാപാരികളും ഏറെ ബുദ്ധിമുട്ട് നേരിടുന്ന സാഹചര്യത്തില്, പല പൊതു കേന്ദ്രങ്ങളിലുമുള്ള ഇത്തരം മാലിന്യങ്ങള് അടിയന്തിരമായി നീക്കം ചെയ്ത് `മാലിന്യ മുക്ത’ പദ്ധതിയുടെ ലക്ഷ്യം പ്രാവര്ത്തികമാക്കണമെന്ന് എ.എസ്.ചന്ദ്രമോഹനന് ,കെ.ഡി.ബിനീഷ്, കെ.എസ്.അജിത്ത് എന്നിവര് ചേര്ന്ന് നല്കിയ പ്രഥമ നിവേദനത്തില് ആവശ്യപ്പെട്ടു.
വിഷയത്തില് അടിയന്തിരമായി ഇടപെട്ട് പരിഹാരമുണ്ടാക്കുമെന്ന് പ്രസിഡന്റ് ഗ്രേസിക്കുട്ടിയും വെെ. പ്രസിഡന്റ് സബിന്ലാല് ബാബുവും പറഞ്ഞു.
