തിരുവനന്തപുരം: മറ്റത്തൂരില് കോണ്ഗ്രസ് അംഗങ്ങളെല്ലാം ബിജെപിയിലേക്ക് മാറിയ സംഭവത്തില് പ്രതികരണവുമായി മുഖ്യമന്ത്രി പിണറായി വിജയന്.
ഒറ്റച്ചാട്ടത്തിന് ബിജെപിയില് എത്താന് തക്കം പാര്ത്തിരിക്കുന്ന പാര്ട്ടിയാണ് കോണ്ഗ്രസ്സ്. ആ ചാട്ടമാണ് മറ്റത്തൂരില് കണ്ടത്. എട്ടു കോണ്ഗ്രസ് അംഗങ്ങള് മാത്രമേ അവിടെ യുഡിഎഫിനുള്ളൂ. മരുന്നിനുപോലും ഒരാളെ ബാക്കിവെക്കാതെ ബിജെപി അവരെ അങ്ങെടുത്തു. കേരളം പരിചയിച്ച രാഷ്ട്രീയ കാഴ്ചയല്ല ഇത്. പിണറായി വിജയന് ഫെയ്സ്ബുക്കില് കുറിച്ചു.
ഫെയ്സ്ബുക്ക് കുറിപ്പിന്റെ പൂര്ണരൂപം:
Whatsapp Group 1 | Whatsapp Group 2 |Telegram Group
ഒറ്റച്ചാട്ടത്തിന് ബിജെപിയില് എത്താന് തക്കം പാര്ത്തിരിക്കുന്ന പാര്ട്ടിയാണ് കോണ്ഗ്രസ്സ്. ആ ചാട്ടമാണ് തൃശൂര് ജില്ലയിലെ മറ്റത്തൂരില് കണ്ടത്. കോണ്ഗ്രസ്സ് സ്ഥാനാര്ഥികളായി മത്സരിച്ച് പഞ്ചായത്തംഗങ്ങളായ മുഴുവന് പേരും കൂറുമാറി ബിജെപി പാളയത്തിലെത്തി ഭരണം പിടിച്ചു. എട്ടു കോണ്ഗ്രസ് അംഗങ്ങള് മാത്രമേ അവിടെ യുഡിഎഫിനുള്ളൂ. മരുന്നിനുപോലും ഒരാളെ ബാക്കിവെക്കാതെ ബിജെപി അവരെ അങ്ങെടുത്തു. കേരളം പരിചയിച്ച രാഷ്ട്രീയ കാഴ്ചയല്ല ഇത്.
2016-ല് അരുണാചല് പ്രദേശില് ആകെയുള്ള 44 കോണ്ഗ്രസ്സ് എംഎല്എമാരില് മുഖ്യമന്ത്രി ഉള്പ്പെടെ 43 പേരും ഒറ്റരാത്രികൊണ്ട് എന്ഡിഎയിലേക്ക് ചാടിയിരുന്നു. ഒരു എംഎല്എ പോലുമില്ലാതിരുന്ന പുതുച്ചേരിയില് കോണ്ഗ്രസ്സ് അംഗങ്ങളെ ചാക്കിട്ട് 2021-ല് ബിജെപി അധികാരം പിടിച്ചു. 2019-ല് ഗോവയിലെ കോണ്ഗ്രസ്സ് ലെജിസ്ലേറ്റീവ് പാര്ടി ഒന്നടങ്കം ബിജെപിയില് ലയിച്ചു. അതിന്റെയെല്ലാം കേരള മോഡല് ആണ് മറ്റത്തൂരിലേത്. ആ പഞ്ചായത്തില് എല് ഡി എഫ് പ്രസിഡന്റ് വരുന്നത് തടയാനാണ് കോണ്ഗ്രസ്സ് നേതാക്കള് ബിജെപിയോടൊപ്പം പോയത്. അതവര് തുറന്നു പറയുന്നുമുണ്ട്.
