കോഴിക്കോട്: ശബരിമല സ്വർണ്ണക്കൊള്ള കേസിൽ പ്രതിയായ ഉണ്ണികൃഷ്ണൻ പോറ്റിക്കൊപ്പമുള്ള മുഖ്യമന്ത്രിയുടെ എഐ ചിത്രം പോസ്റ്റ് ചെയ്ത കേസിൽ കോൺഗ്രസ് നേതാവ് സുബ്രഹ്മണ്യന് ജാമ്യം.
മുഖ്യമന്ത്രിയുടെ ഓഫീസ് പങ്കുവെച്ച വീഡിയോയില് നിന്നുമെടുത്ത ചിത്രമാണ് താന് പങ്കുവെച്ചതെന്നും സുബ്രഹ്മണ്യന് വ്യക്തമാക്കി. താന് പങ്കുവെച്ചത് യഥാര്ഥ ചിത്രമാണെന്നും പ്രതിപക്ഷ പ്രവര്ത്തനത്തെ പ്രതിരോധിക്കാനുമുള്ള ശ്രമമാണ് നടക്കുന്നതെന്നും സുബ്രഹ്മണ്യന് പ്രതികരിച്ചു. പിണറായി വിജയനും ഉണ്ണിക്കൃഷ്ണന് പോറ്റിയും തമ്മില് ഇത്രമേല് അഗാധമായ ബന്ധം ഉണ്ടാകാന് എന്തായിരിക്കും കാരണമെന്ന കാപ്ഷനോടെയാണ് ഇരുവരും ഒരുമിച്ചു നില്ക്കുന്ന ചിത്രം പങ്കുവെച്ചത്.
ഇന്ന് രാവിലെയാണ് പൊലീസ് സുബ്രഹ്മണ്യനെ വീട്ടില് നിന്ന് കസ്റ്റഡിയിലെടുത്തത്. പ്രചരിപ്പിക്കപ്പെടുന്നത് എഐ ഫോട്ടോയാണെന്ന് സിപിഎം നേതാക്കള് ആവര്ത്തിക്കുന്നതിന് പിന്നാലെയാണ് കെപിസിസി രാഷ്ട്രീയ കാര്യസമിതി അംഗം സുബ്രമണ്യനെതിരെ കലാപാഹ്വാനത്തിന് ചേവായൂര് പൊലീസ് കേസെടുത്തത്.
Whatsapp Group 1 | Whatsapp Group 2 |Telegram Group
ഡിസിസി പ്രസിഡന്റ് കെ. പ്രവീണ്കുമാറിന്റെ നേതൃത്വത്തില് കോണ്ഗ്രസ് പ്രവര്ത്തകര് ചേവായൂര് പൊലീസ് സ്റ്റേഷന് മുന്നില് കുത്തിയിരുന്ന് പ്രതിഷേധിച്ചു.
