തിരുവനന്തപുരം: സംസ്ഥാനത്ത് ക്രിസ്തുമസ് അവധി നാളെ മുതല്. ഡിസംബർ 24 മുതല് ജനുവരി 05 വരെയായിരിക്കും അവധി. ക്രിസ്മസ് അവധിക്കൊപ്പം വാരാന്ത്യങ്ങളും കൂടി ഉൾപെടുമ്പോൾ ഇത്തവണ കേരളത്തിലെ വിദ്യാര്ത്ഥികള്ക്ക് 12 ദിവസമാണ് അവധി ലഭിക്കുക.
എല്ലാ വർഷവും ക്രിസ്മസിന് പത്ത് ദിവസമാണ് അവധി ലഭിച്ചിരുന്നതെങ്കില് ഈ വര്ഷം അത് 12 ആണ്. തദ്ദേശ തിരഞ്ഞെടുപ്പിന്റെ പശ്ചാത്തലത്തില് ക്രിസ്മസ് പരീക്ഷയുടെ തീയതിയില് മാറ്റം വരുത്തിയതാണ് അവധി ദിവസങ്ങളുടെ എണ്ണം വർധിക്കുവാൻ കാരണമായത്. ഡിസംബർ 15-ന് ആരംഭിച്ച ക്രിസ്മസ് പരീക്ഷകള് ഇന്ന് അവസാനിക്കും.
ഈ വർഷത്തെ ക്രിസ്മസ് ആഘോഷങ്ങള്ക്കായി ഇന്ത്യയിലെ വിവിധ സംസ്ഥാന സർക്കാരുകള് സ്കൂള് അവധി പട്ടിക പുറത്തിറക്കിയിട്ടുണ്ട്. പല സംസ്ഥാനങ്ങളിലും ക്രിസ്മസും പുതുവത്സരവും ഉള്പ്പെടുത്തി നീണ്ട ശൈത്യകാല അവധിയാണ് പ്രഖ്യാപിച്ചിരിക്കുന്നത്. എന്നാല് ചില സംസ്ഥാനങ്ങള് ഏകദിന അവധിയില് ഒതുക്കിയപ്പോള്, ഉത്തർപ്രദേശ് പോലുള്ള സംസ്ഥാനങ്ങള് ക്രിസ്മസ് ദിനത്തില് സ്കൂളുകള് പ്രവർത്തിപ്പിക്കാൻ തീരുമാനിച്ചിട്ടുണ്ട്.
Whatsapp Group 1 | Whatsapp Group 2 |Telegram Group