ദക്ഷിണാഫ്രിക്കയിലെ ജോഹന്നാസ്ബർഗിൽ വീണ്ടും വെടിവെപ്പ്: 10 പേർ കൊല്ലപ്പെട്ടു

ജൊഹന്നാസ്ബർഗ് : ദക്ഷിണാഫ്രിക്കയിലെ ജോഹന്നാസ്ബർഗിൽ അജ്ഞാതരായ അക്രമികൾ നടത്തിയ വെടിവെപ്പിൽ 10 പേർ കൊല്ലപ്പെട്ടു. ഞായറാഴ്ച ജോഹന്നാസ്ബർഗിനടുത്തുള്ള ബെക്കേഴ്‌സ്‌ഡാലിലായിരുന്നു സംഭവം. നിരവധി പേർക്ക് പരിക്കേറ്റു. അക്രമികളുടെ ഐഡന്റിറ്റിയും ആക്രമണത്തിന്റെ കാരണവും നിലവിൽ വ്യക്തമല്ലെന്ന് പോലീസ് പറയുന്നു.

Link

Embed

Copy and paste this HTML code into your webpage to embed.

ഈ മാസത്തിൽ രാജ്യത്തുണ്ടാകുന്ന രണ്ടാമത്തെ കൂട്ട വെടിവെപ്പാണിത്. അനധികൃതമായി മദ്യം വിൽക്കുന്ന ഒരു മദ്യശാലയ്ക്ക് സമീപം വെച്ചാണ് വെടിവെപ്പ് ഉണ്ടായതെന്ന് റിപ്പോർട്ടുകൾ പറയുന്നു. യാതൊരു പ്രകോപനവുമില്ലാതെ തെരുവിലൂടെ പോയിരുന്നവർക്ക് നേരെ അക്രമികൾ വെടിയുതിർക്കുകയായിരുന്നു.

ഡിസംബർ 6 ന് ദക്ഷിണാഫ്രിക്കയുടെ തലസ്ഥാനമായ പ്രിട്ടോറിയയ്ക്ക് സമീപമുള്ള ഒരു ഹോസ്റ്റലിൽ നടന്ന വെടിവെപ്പിൽ മൂന്ന് വയസ്സുള്ള ഒരു കുട്ടി ഉൾപ്പെടെ 12 പേർ കൊല്ലപ്പെട്ടിരുന്നു.