കോട്ടയം: ഇന്ത്യയില് പ്രത്യേകിച്ച് ഹൈദരാബാദിലും മുംബൈയിലും കഫേകളില് ഏറെ പ്രിയപ്പെട്ട ഒരു ചായയാണ് ഇറാനി ചായ.
പേർഷ്യയില് നിന്ന ഇന്ത്യയിലേക്കെത്തിയ ഈ ചായ, പ്രത്യേക തയാറാക്കല് രീതി കൊണ്ട് വേറിട്ട രുചിയും സുഗന്ധവും നല്കുന്നു. കടുപ്പമേറിയ ചായയും കൊഴുപ്പുള്ള പാലും സദൃശ്യമായി യോജിപ്പിച്ചാണ് ഇതിന് വിശിഷ്ടമായ സവിശേഷത ലഭിക്കുന്നത്. അടുത്തിടെ സോഷ്യല് മീഡിയയിലും ഇറാനി ചായയുടെ ഗുണനിലവാരം വലിയ ശ്രദ്ധ നേടുന്നു.
ചേരുവകള്
Whatsapp Group 1 | Whatsapp Group 2 |Telegram Group
ചായപ്പൊടി – 3-4 ടേബിള് സ്പൂണ്
വെള്ളം – 2 കപ്പ്
പാല് – 2 കപ്പ്
പഞ്ചസാര – ആവശ്യത്തിന്
ഏലക്കായ – 3-4 എണ്ണം
കണ്ടൻസ്ഡ് മില്ക്ക് അല്ലെങ്കില് പാല്പ്പൊടി – 2 ടേബിള് സ്പൂണ്
തയ്യാറാക്കുന്ന വിധം
ആദ്യം ഒരു പാത്രത്തില് വെള്ളം ഒഴിച്ച് അതിലേക്ക് ചായപ്പൊടിയും ഏലക്കായയും ചേർക്കുക. പാത്രം മൂടി കുറഞ്ഞ തീയില് 15-20 മിനിറ്റ് ദം ചെയ്യുക. വെള്ളം പകുതിയായി കുറയുകയും ചായ നല്ല കടുപ്പമാവുകയും ചെയ്യുന്നതു വരെ ഇത് തുടരുക. മറ്റൊരു പാത്രത്തില് പാല് ഒഴിച്ച് തിളപ്പിക്കുക. പാല് പകുതി അളവാകുന്നതുവരെ കുറുക്കി തയാറാക്കുക. പാലിലേക്ക് പഞ്ചസാരയും കണ്ടൻസ്ഡ് മില്ക്കും ചേർത്ത് നന്നായി ക്രീമിയാക്കുക. പാലിലെ കൊഴുപ്പ് ഇറാനി ചായയുടെ യഥാർത്ഥ രുചി ഉറപ്പാക്കുന്നു. ചായ വിളമ്ബുമ്ബോള് ഒരു കപ്പില് ആദ്യം പകുതി പാല് ഒഴിച്ച് മുകളിലേക്ക് തയ്യാറാക്കിയ കടുപ്പമേറിയ ചായ വെള്ളം ഒഴിക്കുക. ഇളക്കരുത്.
ബിസ്കറ്റിനൊപ്പമോ അല്ലെങ്കില് ബണ്ണില് വെണ്ണ പുരട്ടിയതുമായോ ഇറാനി ചായ കഴിക്കുന്നത് അതിമനോഹരമായ അനുഭവമാണ്. സമൃദ്ധമായ രുചിയും സുഗന്ധവും, കഫേകളിലെ ഈ ചായ പ്രിയപ്പെട്ട ഒന്നാക്കുന്നു.
