സിംല: യുവമോർച്ചയിലെ സുന്ദരിയായ വനിതാ നേതാവും യുവമോർച്ചാ പ്രവർത്തകനും തമ്മിലുള്ള അശ്ലീവ വീഡിയോ വൈറലായതോടെ ബിജെപി വെട്ടിൽ. കുളു ജില്ലയിലെ യുവമോർച്ചയുടെ തീപ്പൊരി നേതാവായ വനിതയും പ്രവർത്തകനും തമ്മിലുള്ള ബാത്ത്‌റൂം വീഡിയോയാണ് പുറത്തായത്. വിവാഹിതനും രണ്ടു കുട്ടികളുടെ പിതാവുമായ പ്രവർത്തകനും വനിതാ നേതാവുമാണ് അശ്ലീല വീഡിയോയിലെ കഥാപാത്രങ്ങളായി രംഗത്ത് എത്തിയിരിക്കുന്നത്. ഇരുവരുടെയും അശ്ലീല വീഡിയോ പുറത്ത് വിട്ടതാകട്ടെ സഹപ്രവർത്തകരായ നേതാക്കൾ തന്നെയായിരുന്നു. ഇതേ തുടർന്ന് അശ്ലീല വീഡിയോ സാമൂഹിക മാധ്യമങ്ങളിൽ പ്രചരിച്ച  രണ്ട് ബിജെപി നേതാക്കളെ പാർട്ടിയിൽ നിന്ന് സസ്‌പെൻഡ് ചെയ്തു. സംഭവം വിവാദമായതോടെ വാട്‌സ്അപ്പിൽ വീഡിയോ പ്രചരിപ്പിച്ചവർക്കെതിരെ സൈബർ ആക്ട് പ്രകാരം പരാതി നൽകിയിരിക്കുകയാണ് യുവമോർച്ചയുടെ വനിതാ അംഗം.
ഭർത്താവുമായുള്ള ബന്ധത്തിൽ നിന്ന് പിൻതിരിയണമെന്ന് യുവമോർച്ചാ പ്രവർത്തകന്റെ ഭാര്യ വനിതാ നേതാവിനോട് ആവശ്യപ്പെടുന്ന ഓഡിയോ സന്ദേശവും ഇതിനോടകം പുറത്ത് വന്നിട്ടുണ്ട്. നാല് വീഡിയോകളാണ് ഇപ്പോൾ വാട്‌സ്അപ്പ് അടക്കമുള്ള സാമൂഹ്യ മാധ്യമങ്ങളിൽ പ്രചരിക്കുന്നത്. 12.35 മിനിറ്റാണ് വീഡിയോയുടെ ആകെ ദൈർഘ്യം. യുവമോർച്ചാ വനിതാ നേതാവും പ്രവർത്തകനും തന്നെ മൊബൈലിൽ ചിത്രീകരിച്ച വീഡിയോയാണ് ഇപ്പോൾ പുറത്ത് വന്നിരിക്കുന്നത്. വാട്‌സാപ്പ് വഴി യുവമോർച്ചാ നേതാവ് പ്രവർത്തകന് അയച്ചു നൽകിയ വീഡിയോ ഇയാളുടെ ഭാര്യ കണ്ടെത്തിയതോടെയാണ് സംഭവങ്ങളുടെ തുടക്കം.
തൻറെ ഭർത്താവുമായുള്ള ബന്ധത്തിൽ നിന്നും പിൻമാറണമെന്ന് ഇതോടെയാണ് യുവതി വനിതാ നേതാവിനോട് ആവശ്യപ്പെട്ടത്.
ഇതോടെയാണ് കുള്ളു ജില്ലയിലെ ബിജെപി നേതാവിനെയും യുവമോർച്ച പ്രവർത്തകനെയും സസ്‌പെൻഡ് ചെയ്തതെന്ന് സംസ്ഥാന ബിജെപി വൈസ് പ്രസിഡൻറ് ഗണേഷ് ദത്ത് വാർത്താ ഏജൻസിയായ പിടിഐയോട് പറഞ്ഞു.
വീഡിയോയിലെ യുവതി പരാതിയുമായി പൊലീസിനെ സമീപിച്ചതോടെ എഫ്‌ഐആർ രജിസ്റ്റർ ചെയ്യുകയായിരുന്നെന്ന് കുള്ളു പൊലീസ് സൂപ്രണ്ട് അറിയിച്ചു. അശ്ലീല വീഡിയോ സോഷ്യൽ മീഡിയയിലൂടെ പ്രചരിപ്പിച്ചതിന് ഐടി ആക്ടിലെ സെക്ഷൻ 67, 67എ എന്നീ വകുപ്പുകൾ പ്രകാരമാണ് ബിജെപി,  യുവമോർച്ച പ്രവർത്തകർക്കെതിരെ കേസെടുത്തിരിക്കുന്നത്. ബിജെപിയെ ആക്രമിക്കാൻ അവസരം കാത്തിരിക്കുന്ന മറ്റു പാർട്ടികൾ ഇതിനോടകം തന്നെ ഇതിനെ ആയുധമാക്കി മാറ്റിയിട്ടുണ്ട്.