ലക്നൗ: ഇന്ത്യ-ദക്ഷിണാഫ്രിക്ക ടി20 പരമ്പരിലെ നാലാം മത്സരം ഇന്ന് ലക്നൗവില് നടക്കും.
മൂന്ന് മത്സരങ്ങള് കഴിഞ്ഞപ്പോള് ആദ്യത്തെയും മൂന്നാമത്തെയും മത്സരം ജയിച്ച ഇന്ത്യ അഞ്ച് മത്സര പരമ്പരയില് 2-1ന് മുന്നിലാണ്. ഇന്നത്തെ മത്സരം ജയിച്ചാല് അവസാന മത്സരത്തിന് കാത്തു നില്ക്കാതെ ഇന്ത്യക്ക് പരമ്പര സ്വന്തമാക്കാം.
ലക്നൗ ഏക്നാ സ്റ്റേഡിയത്തില് വൈകിട്ട് ഏഴ് മണിക്കാണ് മത്സരം തുടങ്ങുക. സ്റ്റാര് സ്പോർട്സ് നെറ്റ്വര്ക്കിലും ജിയോ ഹോട്സ്റ്റാറിലും മത്സരം തത്സമയം കാണാനാകും.
Whatsapp Group 1 | Whatsapp Group 2 |Telegram Group
പരസ്ര പിടിക്കാന് ഇന്ത്യ നാലാം മത്സരത്തിന് ഇറങ്ങുമ്പോള് വൈസ് ക്യാപ്റ്റൻ ശുഭ്മാന് ഗില്ലും ക്യാപ്റ്റൻ സൂര്യകുമാര് യാദവുമാണ് ശ്രദ്ധാകേന്ദ്രം. ടി20 ലോകകപ്പിന് തൊട്ടുമുൻപ് ക്യാപ്റ്റന്റെയും വൈസ് ക്യാപ്റ്റന്റെയും മോശം ഫോമാണ് ആരാധകര്ക്കിടയിലെ പ്രധാന ചര്ച്ചാ വിഷയം.
ധരംശാലയില് നടന്ന മൂന്നാം ഏകദിനത്തില് ഇന്ത്യ ഏഴ് വിക്കറ്റിന്റെ ആധികാരിക ജയം നേടിയെങ്കിലും ഗില്ലിനും സൂര്യകുമാറിനും ഫോം കണ്ടെത്താനായിരുന്നില്ല. ഗില് 28 പന്തില് 28ഉം സൂര്യകുമാര് യാദവ് 12 ഉം റണ്സെടുത്ത് പുറത്തായിരുന്നു. ഈ സാഹചര്യത്തില് നാലാം ഏകദിനത്തില് ഇന്ത്യ ടീമില് മാറ്റം വരുത്തുമോ എന്നും ആരാധകര് ഉറ്റുനോക്കുന്നു. മലയാളി താരം സഞ്ജു സാംസണ് നാലാം മത്സരത്തിലെങ്കിലും അവസരം കിട്ടുമോ എന്നാണ് ആരാധകരുടെ ആകാംക്ഷ.
