ഏഴു ജില്ലകളിൽ വിധിയെഴുത്ത് തുടങ്ങി; പ്രതിപക്ഷ നേതാവ് വി ഡി സതീശൻ , കേന്ദ്ര മന്ത്രി സുരേഷ് ഗോപി , ഉമ്മ തോമസ് എം.എൽ.എ വോട്ടു ചെയ്തു; 1.32 കോടി വോട്ടർമാർ ഇന്ന് ബൂത്തിലെത്തും

തിരുവനന്തപുരം: തദ്ദേശതിരഞ്ഞെടുപ്പിന്റെ ഒന്നാംഘട്ട വോട്ടെടുപ്പിന് തുടക്കം. പ്രതിപക്ഷ നേതാവ് വി ഡി സതീശൻ,കേന്ദ്ര മന്ത്രി സുരേഷ് ഗോപി തുടങ്ങിയവർ ഇതിനകം വോട്ട് ചെയ്തു.

Link

Embed

Copy and paste this HTML code into your webpage to embed.

തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലെ 595 തദ്ദേശസ്ഥാപനങ്ങളിലെ 11,167 വാര്‍ഡുകളിലേക്ക് 36,620 സ്ഥാനാര്‍ഥികളാണുള്ളത്. രാവിലെ ആറിന് മോക്പോളിനുശേഷം ഏഴുമുതല്‍ വൈകീട്ട് ആറുവരെയാണ് വോട്ടെടുപ്പ്.

ഗ്രാമപ്രദേശങ്ങളിലുള്ളവര്‍ മൂന്നുവോട്ട് ചെയ്യണം. മുനിസിപ്പാലിറ്റികളിലും കോര്‍പ്പറേഷനുകളിലും ഒരു വോട്ടും. ബാക്കിയുള്ള ഏഴുജില്ലകള്‍ക്ക് വ്യാഴാഴ്ചയാണ് വോട്ടെടുപ്പ്. 13-ന് രാവിലെ വോട്ടെണ്ണും.