പത്തനംതിട്ട : പമ്പക്ക് സമീപം അയ്യപ്പ ഭക്തർ സഞ്ചരിച്ച വാഹനത്തിന് തീപിടിച്ചു. ദർശനത്തിനായി പോയ ശബരിമല തീർത്ഥാടകരുടെ ടാക്സി കാറിനാണ് ചാലക്കയത്തിന് സമീപമെത്തിയപ്പോള് തീപിടിച്ചത്.
ഹൈദരാബാദ് സ്വദേശികളാണ് ടാക്സി കാറില് ഉണ്ടായിരുന്നത്. പുക ഉയരുന്നത് കണ്ട് തീർത്ഥാടകരെ വേഗം പുറത്ത് ഇറക്കിയതിനാല് വലിയൊരു അപകടം ഒഴിവായി. ഫയർഫോഴ്സ് എത്തിയാണ് തീ നിയന്ത്രണ വിധേയമാക്കിയത്. അപകടത്തില് ആർക്കും പരിക്കില്ല.
