തൊടുപുഴ: തദ്ദേശ തിരഞ്ഞെടുപ്പിൽ സാമൂഹ്യമാദ്ധ്യമങ്ങളിൽ പ്രചരണം കൊഴുപ്പിക്കുകയാണ് മുന്നണികൾ. രാഷ്ട്രീയ ചർച്ചകളും വാഗ്വാദങ്ങളും ചായക്കടകളിലും ബാർബർ ഷോപ്പുകളിലുമല്ല. തിരഞ്ഞെടുപ്പ് ചൂട് മുഴുവൻ സൈബർ ഇടങ്ങളിലാണ്.
ഒരു പോസ്റ്റിന് മറു പോസ്റ്റിട്ട് പ്രതികരണങ്ങൾ ഏറുമ്പോൾ സൈബറിടം പലപ്പോഴും വാഗ്വാദങ്ങളാൽ നിറയുന്നു. സ്ഥാനാർത്ഥികൾക്ക് സമയമില്ലാത്തതിനാൽ അണികളാണ് സമൂഹമാദ്ധ്യമ അക്കൗണ്ടുകൾ കൈകാര്യം ചെയ്യുന്നത്. ഇടുന്ന പോസ്റ്റുകൾ പരമാവധി ആളുകളിലെത്തിക്കുക, ഷെയറുകളുടെ എണ്ണം കൂട്ടുക എന്നിവയാണ് പ്രധാന അജണ്ടകൾ.
ഇതിന് വേണ്ടി വിവിധ ടീമുകൾ സജീവമായി പ്രവർത്തിക്കുന്നു. മുന്നണികൾക്ക് പൊതുവായും വാർഡ് അടിസ്ഥാനത്തിലും സൈബർ ടീമുകളുണ്ട്.
Whatsapp Group 1 | Whatsapp Group 2 |Telegram Group
സൈബറിടത്തിൽ ചിലവഴിക്കാൻ സമയമുള്ള യുവാക്കളെയാണ് സോഷ്യൽ മീഡിയ ചുമതല ഏൽപ്പിച്ചിരിക്കുന്നത്. വിവിധ മുന്നണികളുടെ ഔദ്യോഗിക ഫേസ്ബുക്ക് പേജുകളിലും പ്രചാരണം തകൃതിയാണ്.
