കോട്ടയം: ഇന്ന് ചെറിയ കുട്ടികള്‍ മുതല്‍ യുവാക്കള്‍ വരെ നേരിടുന്ന പ്രധാന സൗന്ദര്യ പ്രശ്നമാണ് അകാലനര. നര ഒരു വ്യക്തിയുടെ ആത്മവിശ്വാസത്തെ തന്നെ ബാധിക്കുന്നു.
അതിനാല്‍ ഇത് മറയ്ക്കാൻ പലരും മാർക്കറ്റില്‍ കിട്ടുന്ന കെമിക്കല്‍ ഡെെ വാങ്ങി ഉപയോഗിക്കുന്നു. എന്നാല്‍ ഇത് കുറച്ച്‌ ദിവസത്തേക്ക് മാത്രമെ നില്‍ക്കൂ. മാത്രമല്ല ഗുണത്തെക്കാള്‍ ഏറെ ഇത് മുടിക്ക് ദോഷമാണ് ചെയ്യുന്നത്. ഇതിലെ കെമിക്കല്‍ മുടി കൂടുതല്‍ നരയ്ക്കുന്നതിനും പൊട്ടുന്നതിനും കാരണമാകുന്നു.
എന്നാല്‍ വീട്ടില്‍ തന്നെ പ്രകൃതിദത്തമായി നരയ്ക്ക് പരിഹാരം കാണാം. അത് എങ്ങനെയെന്ന് നോക്കിയാലോ?
Whatsapp Group 1 | Whatsapp Group 2 |Telegram Group
ആവശ്യമായ സാധനങ്ങള്‍
തേയിലപ്പൊടി
മെെലാഞ്ചിപ്പൊടി
കടുക്
വെള്ളം
തയ്യാറാക്കുന്ന വിധം
ആദ്യം അടി കട്ടിയുള്ള ഒരു പാത്രം എടുക്കുക. ഇതിലേക്ക് ഒരു ടേബിള്‍‌സ്‌പൂണ്‍ കടുക് ഇട്ട് അടുപ്പില്‍ വച്ച്‌ വറുക്കാം. ഇതിലേക്ക് ആവശ്യമെങ്കില്‍ കുറച്ച്‌ കറിവേപ്പില ചേർക്കാം. ശേഷം അവ രണ്ടു നല്ലപോലെ വറുക്കണം. ഇനി തീ ഓഫ് ചെയ്ത് തണുക്കാൻ വയ്ക്കാം. ഇവ തണുത്തശേഷം പൊടിച്ചെടുക്കുക. ശേഷം ഈ പൊടിയിലേക്ക് മെെലാഞ്ചിപ്പൊടിയും കുറച്ച്‌ തേയില ഇട്ട് തിളപ്പിച്ച വെള്ളവും ഒഴിച്ചിളക്കിയോജിപ്പിക്കുക. ഇനി എണ്ണമയമില്ലാത്ത മുടിയിഴകള്‍ പല ഭാഗങ്ങളായി തിരിച്ച്‌ കെെയോ ബ്രഷോ ഉപയോഗിച്ച്‌ നര വന്ന ഭാഗത്ത് പുരട്ടുക. 30 മിനിട്ടിന് ശേഷം സാധാരണ വെള്ളത്തില്‍ കഴുകി കളയാം. ഷാംപൂ ഉപയോഗിക്കരുത്. ആഴ്ചയില്‍ ഒരു തവണ ഇത് ഉപയോഗിക്കണം. അകാല നര, താരൻ, ചൊറിച്ചില്‍ എന്നിവ അകറ്റാൻ ഇത് സഹായിക്കുന്നു.
