കോട്ടയം അയ്മനം പഞ്ചായത്തിനോട് നാട്ടുകാർ: തോണിക്കടവ് -അലക്കുകടവ് റോഡ് സംരക്ഷണ ഭിത്തി ഇടിഞ്ഞു: ഏതു നിമിഷവും ഇവിടെ ഒരപകടം ഉണ്ടാകാം.

ഒളശ്ശ: അയ്മനം 17-ാം വാർഡിലെ തോണിക്കടവ്- അലക്കുകടവ് റോഡിന്റെ സംരക്ഷണഭിത്തിയുടെ 50 മീറ്റർ ഭാഗം ഇടിഞ്ഞ് ആറ്റിൽ വീണു. 250 മീറ്റർ ഭാഗം ഇടിഞ്ഞു വീഴാവുന്ന അവസ്ഥയിലാണ്.

Link

Embed

Copy and paste this HTML code into your webpage to embed.

സ്കൂൾ കുട്ടികളുമായുള്ള വാഹനങ്ങൾ ഉൾപ്പെടെ പോകുന്ന റോഡ് അപകടാവസ്ഥയിലായതോടെ നാട്ടുകാർ ആശങ്കയിലായി.

അപകടാവസ്ഥ മനസ്സിലാക്കി അടുത്തയിടെ നാട്ടുകാർ കുറെഭാഗം തെങ്ങിൻ കുറ്റികൾ നാട്ടി സംരക്ഷിച്ചിരുന്നു. വലിയ ടിപ്പർ ഉൾപ്പെടെ പോകുന്നതിനാൽ ഏതു നിമിഷവും അപകടം സംഭവിക്കാവുന്ന അവസ്ഥയിലാണ്.

ജലസേചന വകുപ്പ് ഈ ഭാഗത്തേക്കു തിരിഞ്ഞു നോക്കുന്നതു പോലുമില്ല. റോഡിന്റെ സംരക്ഷണ ഭിത്തി അടിയന്തരമായി നിർമിച്ചില്ലെങ്കിൽ അപകടം സംഭവിക്കുമെന്നും നാട്ടുകാർ മുന്നറിയിപ്പു നൽകി.