ഡ്രൈവറില്ലാതെ തനിയെ ഓടുന്ന ടാക്സി കാറുകള്‍ 2026 അവസാനത്തോടെ നിരത്തിലിറക്കാൻ ഊബർ. അമേരിക്കയിലെ സാൻ ഫ്രാൻസിസ്‌കോ ബേ ഏരിയയിലാണ് പ്രത്യേകം നിർമ്മിച്ച ഓട്ടോണമസ് ടാക്സിയുടെ ആദ്യ ഓട്ടം കമ്ബനി നടത്തുക.
ഇലക്‌ട്രിക് കാർ കമ്ബനിയായ ലൂസിഡ്, സെല്‍ഫ് ഡ്രൈവിംഗ് ടെക്നോളജി കമ്ബനിയായ ന്യൂറോ ഇൻ‌കോർപ്പറേറ്റഡ് എന്നിവരുമായി ചേർന്നാണ് റോബോടാക്സി വികസിപ്പിക്കുകയെന്ന് ഊബർ അറിയിച്ചു. ലൂസിഡിന്‍റെ ഗ്രാവിറ്റി എസ്‌യുവിയെ അടിസ്ഥാനമാക്കിയാണ് ഊബറിന്‍റെ ഡ്രൈവറില്ലാ കാറുകള്‍ നിരത്തില്‍ ഇറങ്ങുന്നത്.
ലൂസിഡ് അടുത്തിടെ ന്യൂറോയ്ക്ക് ടെസ്റ്റ് വാഹനങ്ങള്‍ എത്തിച്ചിരുന്നു. വരും മാസങ്ങളില്‍ 100 ടെസ്റ്റ് വാഹനങ്ങള്‍ നിരത്തിലിറക്കാൻ പദ്ധതിയിടുന്നതായി ഊബർ പറഞ്ഞു. ആറ് വർഷത്തിനുള്ളില്‍, ഒന്നിലധികം സ്ഥലങ്ങളില്‍ ഇരുപതിനായിരത്തിലധികം ലൂസിഡ് ഓട്ടോണമസ് ടാക്സികള് നിരത്തിലിറക്കാനാണ് പദ്ധതി. ഊബർ ആപ്പ് വഴി ആളുകള്‍ക്ക് ഡ്രൈവറില്ലാ വാഹങ്ങള്‍ ബുക്ക് ചെയ്യാം.
Whatsapp Group 1 | Whatsapp Group 2 |Telegram Group
അതേസമയം, ടെക് കമ്ബനിയായ എൻവിഡിയയുമായും വാഹന നിർമ്മാതാക്കളായ സ്റ്റെല്ലാന്റിസുമായും ചേർന്നും ഊബർ റോബോടാക്സികള്‍ വികസിപ്പിക്കുന്നുണ്ട്. 2028 ല്‍, എൻവിഡിയ സോഫ്റ്റ്‌വെയർ ഉപയോഗിച്ച്‌ പ്രവർത്തിക്കുന്ന വാഹനങ്ങളുടെ ഉത്പാദനം ആരംഭിക്കുമെന്നാണ് കമ്ബനിയുടെ പ്രതീക്ഷ.
