സ്റ്റാഫ് സെലക്ഷന് കമ്മീഷന് (SSC) നടത്തുന്ന ഡല്ഹി പോലീസ് കോണ്സ്റ്റബിള് റിക്രൂട്ട്മെന്റിനുള്ള അപേക്ഷാ തീയതി 10 ദിവസത്തേക്ക് കൂടി നീട്ടി. ഡല്ഹി പോലീസ് കോണ്സ്റ്റബിള് റിക്രൂട്ട്മെന്റിന്റെ വിജ്ഞാപനം സെപ്റ്റംബര് 22-ന് പുറത്തിറക്കിയിരുന്നു.
2025 സെപ്റ്റംബര് 9 മുതല് ഒക്ടോബര് 21 വരെയായിരുന്നു അപേക്ഷകള് ക്ഷണിച്ചിരുന്നത്. ഇത് 31.10.2025 രാത്രി 11:00 മണി വരെ നീട്ടിയിരിക്കുകയാണ്. എസ്എസ്സി പ്രസ്താവനയിലൂടെയാണ് ഇക്കാര്യം അറിയിച്ചത്.
സെപ്റ്റംബര് 22-ലെ വിജ്ഞാപനത്തില് പറഞ്ഞിട്ടുള്ള മറ്റ് നിബന്ധനകള്ക്കും വ്യവസ്ഥകള്ക്കും മാറ്റമുണ്ടാകില്ലെന്നും പ്രസ്താവനയിലുണ്ട്.
Whatsapp Group 1 | Whatsapp Group 2 |Telegram Group
ഓണ്ലൈന് അപേക്ഷാ ഫോമിലെ തെറ്റുകള് തിരുത്തുന്നതിനും ഫീസ് അടയ്ക്കുന്നതിനുമുള്ള അവസരം ഒക്ടോബര് 29 മുതല് ഒക്ടോബര് 31 രാത്രി 11 മണി വരെ ലഭ്യമാകും. കമ്പ്യൂട്ടര് അധിഷ്ഠിത പരീക്ഷ (CBE) 2025 ഡിസംബറിനും 2026 ജനുവരിക്കും ഇടയില് നടത്താനാണ് സാധ്യതയെന്നും എസ്എസ്സി അറിയിച്ചു.
ആകെ 7,565 ഒഴിവുകളുണ്ട്. ഇതില് 3,174 എണ്ണം സംവരണം ഇല്ലാത്തവര്ക്കും, 756 സാമ്പത്തികമായി പിന്നാക്കം നില്ക്കുന്നവര്ക്കും, 1,608 മറ്റ് പിന്നാക്ക വിഭാഗക്കാര്ക്കും, 1,368 പട്ടികജാതിക്കാര്ക്കും, 641 പട്ടികവര്ഗക്കാര്ക്കുമാണ്.
സംവരണ ക്വാട്ടകള്ക്ക് പുറമെ, 285 ഒഴിവുകള് വിമുക്തഭടന്മാര്ക്കും (മറ്റുള്ളവര്), 376 വിമുക്തഭടന്മാര്ക്കും (കമാന്ഡോ), 2496 എണ്ണം സ്ത്രീകള്ക്കുമായി സംവരണം ചെയ്തിട്ടുണ്ട്. പ്രായപരിധി 18-നും 25-നും ഇടയിലാണ്.
കമ്പ്യൂട്ടര് അധിഷ്ഠിത പരീക്ഷ ഇംഗ്ലീഷിലും ഹിന്ദിയിലും മാത്രമായിരിക്കും നടത്തുക. ഇതിന് ശേഷം ശാരീരികക്ഷമതാ പരീക്ഷയും കായികക്ഷമതാ പരിശോധനയും (PE&MT) ഉണ്ടായിരിക്കും.
ഡല്ഹി പോലീസ് കോണ്സ്റ്റബിള് തസ്തിക ഗ്രൂപ്പ് സി വിഭാഗത്തിലാണ് ഉള്പ്പെടുന്നത്. ശമ്പള സ്കെയില് ലെവല് 3-ല് 21,700 രൂപ മുതല് 69,100 രൂപ വരെയായിരിക്കും. അംഗീകൃത ബോര്ഡില് നിന്നുള്ള 10, +2 ആണ് യോഗ്യത.
ഡല്ഹി പോലീസില് സേവനമനുഷ്ഠിക്കുന്നവരോ വിരമിച്ചവരോ ആയ ഉദ്യോഗസ്ഥരുടെ/മള്ട്ടി-ടാസ്കിങ് സ്റ്റാഫുകളുടെ മക്കള്ക്കും, ഡല്ഹി പോലീസിലെ ബാന്ഡ്സ്മാന്, മൗണ്ടഡ് കോണ്സ്റ്റബിള്, ഡ്രൈവര്, ഡിസ്പാച്ച് റൈഡര് തുടങ്ങിയവര്ക്കും വിദ്യാഭ്യാസ യോഗ്യതയില് 11-ാം ക്ലാസ് വരെ ഇളവ് ലഭിക്കും.
