പാലക്കാട്: പിക്കപ്പ് ലോറി വീട്ടിലേക്ക് ഇടിച്ചുകയറി അപകടം. പാലക്കാട് കോങ്ങാട്-ചെർപ്പുളശ്ശേരി റോഡില് കോങ്ങാട് പഞ്ചായത്ത് ഓഫീസിന് സമീപം മഞ്ചേരിക്കാവില് ഇന്ന് പുലർച്ചെയായിരുന്നു അപകടം.
കോയമ്പത്തൂരില് നിന്നും കാസർകോടേക്ക് വാഴക്കുലയുമായി പോവുകയായിരുന്ന പിക്കപ്പാണ് നിയന്ത്രണം വിട്ട് വീട്ടിലേക്ക് ഇടിച്ചുകയറിയത്. അപകടത്തിൽ വീടിൻ്റെ മുൻഭാഗം ഭാഗികമായി തകർന്നു. സമീപത്തെ വൈദ്യുതി പോസ്റ്റും തകർന്നിട്ടുണ്ട്. പൂട്ടിയിട്ട വീടായതിനാല് ആളപായമില്ല. അപകടത്തില് ഡ്രൈവറും സഹായിയും പരിക്കുകളില്ലാതെ രക്ഷപ്പെട്ടു.
