ഷറഫുദീൻ നായകനായി എത്തുന്ന പുതിയ ചിത്രം; ‘മധുവിധു’ വിന്റെ ഫസ്റ്റ് ലുക്ക് പോസ്റ്റര്‍ പുറത്ത്

അജിത് വിനായക ഫിലിംസിന്റെ ബാനറില്‍ വിനായക അജിത് നിർമ്മിക്കുന്ന ചിത്രമാമാണ് ‘മധുവിധു’. ഇപ്പോഴിതാ ചിത്രത്തിൻ്റെ ടൈറ്റിലും ഫസ്റ്റ് ലുക്കും പുറത്ത് എത്തിയിരിക്കുന്നത്.

ഷറഫുദീൻ ആണ് ചിത്രത്തില്‍ നായകനായി എത്തിയിരിക്കുന്നത്. വിഷ്ണു അരവിന്ദ് ആണ് ചിത്രത്തിൻ്റെ സംവിധാനം നിർവ്വഹിച്ചിരിക്കുന്നത്. ബാബുവേട്ടൻ പ്രൊഡക്ഷൻസിന്റെ ബാനറില്‍ ശാന്തകുമാർ- മാളവിക കൃഷ്ണദാസ് എന്നിവർ ആണ് ചിത്രത്തിൻ്റെ സഹനിർമ്മാണം നിർവ്വഹിക്കുന്നത്. ജഗദീഷ്, അസീസ് നെടുമങ്ങാട്, സായ്‍കുമാർ , ശ്രീജയ , അമല്‍ ജോസ് , സഞ്ജു മധു എന്നിവരാണ് ചിത്രത്തിലെ മറ്റ് പ്രധാന താരങ്ങള്‍.

അതേസമയം പ്രശസ്ത നടി ബിന്ദു പണിക്കരുടെ മകള്‍ കല്യാണി പണിക്കർ ആണ് ചിത്രത്തില്‍ നായികയായി എത്തുന്നത്. ചിത്രം ഈ വര്‍ഷം തീയേറ്ററുകളിലെത്തും.