നന്നായി ഉറങ്ങിയതിനുശേഷം അമിത ക്ഷീണം; അപ്രതീക്ഷിതമായി ഭാരം കുറയൽ; മലാശയ രക്തസ്രാവം അല്ലെങ്കിൽ വയറുവേദന; ക്യാൻസറിന്റെ ശരീരം മുൻകൂട്ടി കാണിക്കുന്ന 8 ലക്ഷണങ്ങൾ ഏതൊക്കെയെന്ന് അറിയാം!

അസാധാരണ കോശങ്ങൾ നിയന്ത്രണം വിട്ട് ശരീരത്തിന്റെ മറ്റ് ഭാഗങ്ങളിലേക്ക് വ്യാപിക്കുന്നതിനെയാണ് കാൻസർ എന്ന് പറയുന്നത്. ആരോഗ്യകരമായ കലകളെ ആക്രമിച്ച് മെറ്റാസ്റ്റാസിസ് എന്ന പ്രക്രിയയിലൂടെ അവയവങ്ങളിലേക്ക് വ്യാപിക്കുന്ന ട്യൂമറുകൾ രൂപപ്പെടുന്നു. ക്യാൻസറിന്റെ പ്രധാനപ്പെട്ട ചില പ്രാരംഭ ലക്ഷണങ്ങളെ കുറിച്ചാണ് ഇനി പറയുന്നത്.

മലവിസർജ്ജന ശീലങ്ങളിലെ മാറ്റങ്ങൾ ഒരിക്കലും തള്ളിക്കളയരുത്. വയറിളക്കം, മലബന്ധം, അല്ലെങ്കിൽ രണ്ട് മാസമോ അതിൽ കൂടുതലോ നീണ്ടുനിൽക്കുന്ന മലവിസർജ്ജന ബുദ്ധിമുട്ട് എന്നിവ ഇതിൽ ഉൾപ്പെടുന്നു. മലാശയ രക്തസ്രാവം അല്ലെങ്കിൽ വയറുവേദന പലപ്പോഴും വൻകുടൽ ക്യാൻസറിന്റെ ലക്ഷണമായി ആരോ​ഗ്യ വിദ​ഗ്ധർ പറയുന്നു.

ക്ഷീണമാണ് മറ്റൊരു ലക്ഷണം. നല്ല ഉറക്കത്തിനു ശേഷവും ക്ഷീണം ഉണ്ടാകുന്നത് വൻകുടൽ ക്യാൻസർ ഉൾപ്പെടെയുള്ള മിക്ക ക്യാൻസറുകളുമായും ക്ഷീണവുമായി ബന്ധപ്പെട്ടിരിക്കുന്നു.

ശ്രമിക്കാതെ തന്നെ ശരീരഭാരം കുറയ്ക്കുകയാണെങ്കിൽ അന്നനാളം, ആമാശയം, കരൾ, പാൻക്രിയാസ് എന്നിവയുൾപ്പെടെയുള്ള ദഹനവ്യവസ്ഥയുടെ ക്യാൻസറുമായി ബന്ധപ്പെട്ടിരിക്കുന്നു.

വയറ്റിലെ ക്യാൻസർ, വൻകുടൽ കാൻസർ തുടങ്ങിയ ചിലതരം ക്യാൻസറുകളുടെ ലക്ഷണം കൂടിയാണ് വയറുവേദന. ആഴ്ചകളോളം നിലനിൽക്കുന്നതോ ആയ സ്ഥിരമായ വയറുവേദന, വയറു വീർക്കൽ, അല്ലെങ്കിൽ അസ്വസ്ഥത എന്നിവ തള്ളിക്കളയരുത്.

ക്യാൻസറിന്റെ മറ്റൊരു ലക്ഷണമാണ് ചുമ. തുടർച്ചയായ ചുമ ശ്വാസകോശ അർബുദത്തിന്റെ ഒരു സാധാരണവും ഗുരുതരവുമായ ലക്ഷണമാണ്. നീണ്ടുനിൽക്കുന്ന ചുമയോ അല്ലെങ്കിൽ ആഴ്ചകളോളം നീണ്ട് നിൽക്കുന്ന ചുമ കൂടുതലോ തുടരുകയോ ചെയ്താൽ അവഗണിക്കരുത്.

മിക്ക ആളുകളും ചർമ്മ ക്യാൻസറിന്റെ ലക്ഷണങ്ങൾ ശ്രദ്ധിക്കാതെ പോകുന്നു. പുതിയതോ മാറുന്നതോ ആയ മറുകുകൾ, ക്രമരഹിതമായ പിഗ്മെന്റേഷൻ, അല്ലെങ്കിൽ സുഖപ്പെടാത്ത വ്രണങ്ങൾ എന്നിവ മെലനോമ പോലുള്ള ചർമ്മ ക്യാൻസറുകളുടെ ലക്ഷണമാണ്.