പത്തനംതിട്ട: ശബരിമലയില് മുന്പുണ്ടായിരുന്നതും നിലവിലുള്ളതും വ്യത്യസ്തമായ സ്വര്ണപ്പാളികളാണെന്ന നിമഗനത്തില് ദേവസ്വം വിജിലന്സ്.
2019-ന് മുന്പുണ്ടായിരുന്ന പാളികളുടെ ചിത്രങ്ങളുമായി ഒത്തുനോക്കിയാണ് രണ്ടും രണ്ടാണെന്ന നിഗമനത്തില് വിദഗ്ധരെത്തിയത്.
സ്വര്ണപ്പാളികളുടെ കാലപ്പഴക്കം നിര്ണയിക്കാന് വിദഗ്ധ പരിശോധന വേണമെന്ന ആവശ്യം വിജിലന്സ് ഹൈക്കോടതിയില് ആവശ്യപ്പെട്ടേക്കും. 2019 ജൂലൈയില്
ഉണ്ണികൃഷ്ണന് പോറ്റി പാളി എടുത്തുകൊണ്ടുപോയശേഷം ദ്വാരപാലക ശില്പങ്ങളിലെ സ്വര്ണപ്പാളികളില് തിരിമറി സംഭവിച്ചെന്ന വാദത്തെ ശരിവെക്കുന്ന കണ്ടെത്തലാണ് ദേവസ്വം വിജിലന്സ് നടത്തിയിരിക്കുന്നത്.
Whatsapp Group 1 | Whatsapp Group 2 |Telegram Group
2025-ല് വീണ്ടും പുതുക്കി ശബരിമലയിലെത്തിച്ച സ്വര്ണപ്പാളിയുമായി 2019-ലെ പാളികളെ തട്ടിച്ചുനോക്കിയാണ് പുതിയ നിഗമനത്തിലെത്തിയത്.
2019-ല് വിജയ് മല്യ സ്വര്ണം പൂശിവെച്ചിരുന്ന പാളിയല്ല സന്നിധാനത്ത് ഇപ്പോഴുള്ളതെന്ന് ഫോട്ടോഗ്രാഫുകള് ഉപയോഗിച്ച് നടത്തിയ പരിശോധനയില് വിജിലന്സ് കണ്ടെത്തിയിട്ടുണ്ട്.
