സൈക്കിളിൽ ബൈക്ക് ഇടിച്ച് അപകടം ; മലപ്പുറത്ത് 5 വയസ്സുകാരന് ദാരുണാന്ത്യം

മലപ്പുറം : മഞ്ചേരി നറുകരയിൽ സൈക്കിളിൽ ബൈക്ക് ഇടിച്ച് 5 വയസ്സുകാരന് ദാരുണാന്ത്യം.

നറുകര സ്വദേശിയായ ഇസിയാൻ (5) ആണ് മരിച്ചത്. ഇന്നലെ വൈകിട്ടാണ് സംഭവം. അപകടത്തിൽ ഗുരുതരമായി പരിക്കേറ്റ കുട്ടിയെ ഉടൻ തന്നെ നാട്ടുകാർ മഞ്ചേരി മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ഇസിയാന്റെ മൃതദേഹം മഞ്ചേരി ജില്ലാ ആശുപത്രി മോർച്ചറിയിലേക്ക് മാറ്റി.ഇന്ന് പോസ്റ്റ്മോർട്ടം നടപടികൾ പൂർത്തിയാക്കിയ ശേഷം മൃതദേഹം ബന്ധുക്കൾക്ക് വിട്ടുനൽകും.