നിക്ഷേപങ്ങളെ പ്രോത്സാഹിപ്പിക്കാൻ ഇഎസ്ജി നയത്തിന് മന്ത്രിസഭായോഗം അംഗീകാരം നൽകി

തിരുവനന്തപുരം: സംസ്ഥാനത്തെ നിക്ഷേപങ്ങളെ പ്രോത്സാഹിപ്പിക്കുന്നതിനായി പരിസ്ഥിതി (Environmental), സാമൂഹികം (Social), ഭരണപരവുമായ നയം (Governenance) രൂപീകരിക്കുന്നതിന് മന്ത്രിസഭായോഗം അംഗീകാരം നൽകി.

പരിസ്ഥിതിക്ക് അനുയോജ്യവും താരതമ്യേന മലിനീകരണം കുറഞ്ഞതുമായ വ്യവസായങ്ങൾ ആവാസവ്യവസ്ഥയ്ക്ക് അനുയോജ്യമാണെന്ന വിലയിരുത്തലിൻ്റെ അടിസ്ഥാനത്തിലാണ് ഇഎസ് ജി നയം തയ്യാറാക്കിയിരിക്കുന്നത്.

ആഗോള നിക്ഷേപ രംഗത്ത് ഇഎസ്ജി പ്രധാന ഘടകമായി മാറിയ സാഹചര്യത്തിൽ, ഇഎസ് ജി അനുസരിച്ചുള്ള നിക്ഷേപത്തിനുള്ള ഇന്ത്യയിലെ മുൻനിര സംസ്ഥാനമായി മാറ്റിയെടുക്കുക എന്നുള്ളതാണ് ഇതിലൂടെ ലക്ഷ്യമിടുന്നത്.