വസ്തു തർക്കത്തിലെ വിരോധം; വീട്ടിൽ അതിക്രമിച്ച് കയറി യുവതിയെ കയ്യേറ്റം ചെയ്യുകയും വീടിൻ്റെ മതിൽ കമ്പിപ്പാര ഉപയോഗിച്ച് കുത്തി പൊളിക്കുകയും ചെയ്തു; മണിമല സ്വദേശി അറസ്റ്റിൽ

കോട്ടയം: വിലക്ക് വാങ്ങിയ വസ്തു തിരികെ കൊടുക്കാത്തതിലുള്ള വിരോധം നിമിത്തം മണിമല സ്വദേശിനിയുടെ വീട്ടിൽ അതിക്രമിച്ച് കയറി കയ്യേറ്റം ചെയ്യുകയും വീടിൻ്റെ മതിൽ കമ്പിപ്പാര ഉപയോഗിച്ച് കുത്തി പൊളിക്കുകയും ചെയ്തെന്ന കേസിൽ പ്രതി അറസ്റ്റിൽ.

മണിമല വില്ലേജിൽ പൊന്തൻപുഴ പി ഒ യിൽ ചാരുവേലി ഗേറ്റ് ഓതറകുന്നേൽ വീട്ടിൽ ജോസഫ് കുര്യൻ മകൻ ജിബിൻ ജോസഫ് (29) നെയാണ് മണിമല പോലീസ് അറസ്റ്റ് ചെയ്തു.

പ്രതിയുടെ പേരിൽ മണിമല സ്റ്റേഷനിൽ ക്രിമിനൽ കേസ് നിലവിലുണ്ട്. പ്രതിയെ കോടതിയിൽ ഹാജരാക്കി.