ആഗോള അയ്യപ്പ സംഗമത്തെ എതിര്‍ത്തത്തില്‍ തെറ്റുപറ്റി; ബിജെപി കോര്‍ കമ്മിറ്റിയിൽ രാജീവ് ചന്ദ്രശേഖറിന് കെ സുരേന്ദ്രൻ പക്ഷത്തിന്റെ രൂക്ഷ വിമര്‍ശനം

ആഗോള അയ്യപ്പ സംഗമത്തെ എതിർത്ത നിലപാട് തീർത്തും പക്വത ഇല്ലാത്തത്, ബിജെപി കോർ കമ്മിറ്റിയില്‍ സംസ്ഥാന പ്രസിഡന്റ് രാജീവ് ചന്ദ്രശേഖറിന് കെ സുരേന്ദ്രൻ പക്ഷത്തിന്റെ രൂക്ഷ വിമർശനം.

എൻഎസ്‌എസ്സിന്റെയും എസ്‌എൻഡിപിയുടേയും നിലപാട് മാനിക്കാതെ സംഗമത്തെ എതിർത്തതില്‍ രാജീവ് ചന്ദ്രശേഖറിന് തെറ്റുപറ്റി. മുതിർന്ന നേതാക്കളുമായി യാതൊരു ആലോചനയുമില്ലാതെയാണ് പ്രധാന വിഷയങ്ങളില്‍ പോലും നിലപാട് എടുക്കുന്നത്.

എൻഎസ്‌എസിനെയും എസ്‌എൻഡിപിയെയും എതിർപക്ഷത്ത് നിർത്തിയത് നേതൃത്വത്തിന്റെ വീഴ്ചയാണെന്നും ആരോപണമുയർന്നു. രാഷ്ട്രീയം അറിയില്ലെങ്കില്‍ മുതിർന്ന നേതാക്കളുമായി കൂടിയാലോചന നടത്തണമെന്നും നേതാക്കള്‍ പറഞ്ഞു.ഇതോടെ ബിജെപി ഒറ്റപ്പെടുന്ന സാഹചര്യമുണ്ടായെന്നും വിമർശനം ഉയർന്നു.