കോട്ടയം: ദോശയും ഇഡ്‌ലിയുമൊക്കെ മലയാളികള്‍ക്ക് പ്രീയപ്പെട്ട പ്രഭാത ഭക്ഷണങ്ങളാണ്. എന്നാല്‍ രാവിലെ തിരക്ക് പിടിച്ച ജോലിചെയ്യുന്നതിനിടയില്‍ തയ്യാറാക്കി വച്ചിരിക്കുന്ന ദോശ മാവില്‍ ഉപ്പ് കൂടിപ്പോയാല്‍ പിന്നെ തീർന്നു.
ഇത് മറയ്ക്കാനായി മിക്ക ആളുകളും അതിലേക്ക് അല്പംകൂടി വെള്ളം ചേർത്ത് കൊടുക്കും. അത് കാരണം ആ മാവിന്റെ പാകം തെറ്റുകയും ചെയ്യും
മാവില്‍ ഉപ്പ് കൂടിപ്പോയാല്‍ ഇക്കാര്യങ്ങള്‍ ചെയ്തു നോക്കിക്കോളൂ;
Whatsapp Group 1 | Whatsapp Group 2 |Telegram Group
വീട്ടില്‍ ബ്രെഡ് ഉണ്ടെങ്കില്‍ കുറച്ച്‌ കഷ്ണം എടുത്ത് മിക്‌സിയിലിട്ട് പൊടിച്ചതിനുശേഷം ഇത് മാവില്‍ ചേർത്ത് യോജിപ്പിക്കാം. ഇത് ഉപ്പിന്റെ അളവ് കുറയ്ക്കാൻ സഹായിക്കും.
കുറച്ച്‌ ഓട്‌സ് പൊടിച്ചെടുത്തത് മാവില്‍ ചേർക്കുന്നതും ഉപ്പ് അമിതമായത് പരിഹരിക്കാൻ സഹായിക്കും.
കറികളില്‍ ഉപ്പ് കൂടിയാല്‍ അത് കുറയ്ക്കാനായി ഗോതമ്പ് മാവ് ചെറിയ ഉരുളകളാക്കി കുഴച്ചെടുത്ത് കറികളില്‍ ഇട്ടുകൊടുക്കണം. കറി ഒന്നുകൂടി തിളപ്പിക്കുമ്പോള്‍ അമിതമായ ഉപ്പ് ഈ ഗോതമ്പ് ഉരുളുകള്‍ വലിച്ചെടുക്കും. ഉപ്പ് മിതമായ അളവില്‍ ആയിക്കഴിയുമ്പോള്‍ ഉരുളകള്‍ പുറത്തെടുക്കാം. ഗോതമ്പ് മാവിന് പകരം ഉരുളക്കിഴങ്ങും ഈ രീതിയില്‍ കറികളില്‍ ഉപ്പ് കുറയ്ക്കാൻ ഉപയോഗിക്കാം.
