ഇന്ത്യ-അമേരിക്ക വ്യാപാര ചർച്ച; ഓഹരി വിപണിയിൽ മുന്നേറ്റം

മുംബൈ: ഇന്ത്യ-അമേരിക്ക വ്യാപാര ചർച്ച ഡൽഹിയിൽ നടക്കവേ ഓഹരി വിപണിയിൽ കുതിപ്പ്. സെൻസെക്സ് 360 പോയിന്റും നിഫ്റ്റി 104 പോയിന്റും ഉയർന്നു. നിഫ്റ്റിയുടെ എല്ലാ സെക്ടറും നേട്ടത്തിലാണ്.

Link

Embed

Copy and paste this HTML code into your webpage to embed.

ഓട്ടോ, മീഡിയ, മെറ്റൽ, റിയൽറ്റി, ഓയിൽ എന്നിവയുടെ സൂചികകൾ ഉയർന്നു. വസ്ത്ര കയറ്റുമതി ഓഹരികളിലും മുന്നേറ്റം തുടരുകയാണ്. രൂപയുടെ മൂല്യത്തിനും വർധന ഉണ്ടായിട്ടുണ്ട്. 17 പൈസ വർധിച്ച് ഇപ്പോൾ ഒരു ഡോളറിന് 88 രൂപ 5 പൈസ എന്ന നിരക്കിലാണ് വിനിമയം ഇപ്പോൾ നടക്കുന്നത്.

ഇന്ത്യ-യുഎസ് സ്വതന്ത്ര വ്യാപാര കരാറിന്റെ ആറാംഘട്ട ചർച്ചകൾ ഇന്ന് മുതൽ വീണ്ടും ആരംഭിച്ചു. ഉഭയകക്ഷി ചർച്ചകൾക്കായി യുഎസ് വ്യപാര പ്രതിനിധി ബ്രെൻഡൻ ലിഞ്ച്, ഇന്ത്യയിലെത്തി. ഇന്ത്യയെ പ്രതിനിധീകരിച്ച് വാണിജ്യ വകുപ്പിലെ സ്​പെഷ്യൽ സെക്രട്ടറി രാജേഷ് അഗർവാൾ ആണ് ചർച്ചയിൽ പങ്കെടുക്കുന്നത്.