പാലക്കാട്: പാലക്കാട് 14 കാരിയുടെ നഗ്ന ചിത്രങ്ങൾ പ്രചരിപ്പിച്ച കേസിൽ പ്രതി പിടിയിൽ. ടാറ്റൂ ആർട്ടിസ്റ്റ് ആയ കൊല്ലം സ്വദേശി ബിപിൻ ആണ് പിടിയിലായത്. പെൺകുട്ടിയുടെ നഗ്നചിത്രങ്ങൾ ഇയാൾ നിരവധി പേർക്ക് അയച്ചു കൊടുത്ത് പണം വാങ്ങിയിരുന്നു.
ഇക്കാര്യവും പൊലീസ് അന്വേഷണത്തിൽ കണ്ടെത്തി. പ്രതിക്കെതിരെ കോഴിക്കോടും സമാനമായ കേസ് നിലനിൽക്കുന്നുണ്ട്. ഈ കേസിലും പ്രതി ജയിൽ ശിക്ഷ അനുഭവിച്ചതായി പൊലീസ് പറയുന്നു. കേസിൽ അറസ്റ്റിലായ പ്രതിയെ റിമാൻ്റ് ചെയ്തു. സംഭവത്തിൽ വിശദമായ അന്വേഷണം നടത്തിവരികയാണ് പൊലീസ്.
