തിരുവനന്തപുരം: ജനവാസ മേഖലയില് ഇറങ്ങുന്ന അക്രമകാരികളായ വന്യമൃഗങ്ങളെ കൊല്ലാൻ നിയമ ഭേദഗതിക്കൊരുങ്ങി സംസ്ഥാന സർക്കാർ.
ഇത് അടക്കമുള്ള ബില്ലുകള്ക്ക് അംഗീകാരം നല്കാൻ ഇന്ന് പ്രത്യേക മന്ത്രിസഭ യോഗം ചേരും. 1972 ലെ വന്യജീവി സംരക്ഷണ നിയമത്തിലാണ് സംസ്ഥാനം ഭേദഗതി കൊണ്ട് വരുന്നത്.
കേന്ദ്ര നിയമത്തില് ഭേദഗതി സംസ്ഥാനത്തിന് കൊണ്ട് വരണമെങ്കില് രാഷ്ട്രപതിയുടെ അനുമതി വേണം. പ്രയോഗിക പ്രശ്നം ഉണ്ടെങ്കിലും തെരഞ്ഞെടുപ്പ് അടുത്തിരിക്കെ മലയോര ജനതയെ ഒപ്പം നിർത്തുകയാണ് ബില്ലിന്റെ ലക്ഷ്യം.
Whatsapp Group 1 | Whatsapp Group 2 |Telegram Group
അക്രമകാരികളായ മൃഗങ്ങളെ ക്ഷുദ്രജീവി ആയി പ്രഖ്യാപിക്കാനുള്ള ബില്ലും കൊണ്ട് വരും. സ്വകാര്യ വ്യക്തികളുടെ ഭൂമിയില് നട്ട് വളർത്തിയ ചന്ദനമരങ്ങള് വനം വകുപ്പ് അനുമതിയോടെ വെട്ടാൻ അനുമതി നല്കുന്ന ബില്ലും മന്ത്രിസഭ ഇന്ന് അംഗീകരിക്കും. ബില്ലുകള് വരുന്ന സഭ സമ്മേളനത്തില് അവതരിപ്പിക്കാനാണ് ശ്രമം.
