കോഴിക്കോട്: ഭാരതാംബയ്ക്ക് മുന്നില്‍ വിളക്ക് കൊളുത്തിയ പഞ്ചായത്ത് പ്രസിഡന്റിനെ തരംതാഴ്ത്തി സിപിഎം. കോഴിക്കോട് തലക്കുളത്തൂർ പഞ്ചായത്ത് പ്രസിഡന്റ് കെ ടി പ്രമീളയ്ക്കെതിരെയാണ് സിപിഎം സംഘടനാ നടപടി സ്വീകരിച്ചത്. സിപിഎം ഏരിയ കമ്മിറ്റി അംഗമായിരുന്നു പ്രമീള. ഇവരെ ബ്രാഞ്ച് കമ്മിറ്റിയിലേക്ക് തരംതാഴ്ത്തി.
ആർഎസ്എസ് പരിപാടിയില്‍ പങ്കെടുത്തതിനും ഭാരതാംബയ്ക്ക് മുന്നില്‍ വിളക്ക് കൊളുത്തിയതിനുമാണ് പ്രമീളയ്ക്കെതിരെ നടപടി. നിർധന കുടുംബത്തിന് കേന്ദ്രമന്ത്രി സുരേഷ് ഗോപിയുടെ നേതൃത്വത്തില്‍ നിർമ്മിച്ച നല്‍കിയ വീടിന്റെ താക്കോല്‍ദാന പരിപാടിയിലായിരുന്നു പ്രസിഡന്റ് പങ്കെടുത്തത്.
