ചരിത്ര പ്രഖ്യാപനവുമായി ഐസിസി..! വനിത ഏകദിന ലോകകപ്പ് മത്സരം നിയന്ത്രിക്കുന്നത് വനിതകള്‍; നാല് മാച്ച്‌ റഫറിമാരും 14 അമ്പയർമാരും അടങ്ങുന്ന വനിതാ സംഘത്തെ പ്രഖ്യാപിച്ചു

ദുബായ്: ഇന്ത്യയിലും ശ്രീലങ്കയിലുമായി വരാനിരിക്കുന്ന വനിത ഏകദിന ലോകകപ്പില്‍ വനിതകളായിരിക്കും മത്സരങ്ങള്‍ നിയന്ത്രിക്കുക.

നാല് മാച്ച്‌ റഫറിമാരും 14 അമ്പയർമാരും അടങ്ങുന്ന വനിതകള്‍ മാത്രമുള്ള ഒരു സംഘത്തെയാണ് ഐസിസി പ്രഖ്യാപിച്ചിരിക്കുന്നത്. എട്ടു ടീമുകളുമായി സെപ്റ്റംബർ 30 മുതല്‍ നവംബർ 2 വരെയാണ് ലോകകപ്പ് മത്സരങ്ങള്‍ നടക്കുക.

2020 ലെ കോമണ്‍വെല്‍ത്ത് ഗെയിംസിലും കഴിഞ്ഞ വനിതാ ടി 20 ലോകകപ്പിലും വനിത പാനലുകളാണ് മത്സരം നിയന്ത്രിച്ചത്.

വനിത ക്രിക്കറ്റിലെ ചരിത്ര നിമിഷമാണിത്, ഭാവിയില്‍ പുതിയ മാറ്റങ്ങള്‍ക്ക് കാരണമാകട്ടെ” ഐസിസി പ്രസിഡന്റ് ജയ് ഷാ പറഞ്ഞു.